الأحد , فبراير 25 2024
الباحثة والأنبا إبيفانيوس

باحثة مصرية مسلمة تتحدث عن الأنبا إبيفانيوس

ما كنتش أعرفه يمكن بسمع عنه بس. وفي يوم مؤتمر التراث العربي المسيحي 25 واللي كان أول مؤتمر لي في جمعية اللاثار القبطية بالكنيسة البطرسية وكنت في أول جلسة، عرفت أنه هيكون رئيس الجلسة بتاعتي…

بصراحة كنت خايفة شوية أول مرة يكون رجل دين هو رئيس جلستي وخفت اقول حاجة تأخذ على.

وبعدين لما جه دوري وقعدت جنبه وجه علشان يعرفني لقيت ابتسامة جميلة على وشه وبعدين لما قرأ مؤهلاتي لقيته ضحك وقالي كل ده!! عظيم.

وبعدين قمت وبدأت أشرح موضوعي وكان بيتابع كلامي باهتمام ولما اقول حاجة طريفة الاقيه ابتسم ابتسامة كبيرة.

وبعد ما خلصت شكرني وهناني. الموقف الحقيقي اللي بان لي فيه.

ان في فترة التعليق على الابحاث قام أحد الاباء ووجه لي نقد على نقطة معينة وهو لاحظ أن معالم وشي اتغيرت شاور لي وقالي مش أنت جايبه الجزء ده من مرجع؟ قلت له اه .

قالي قولي اسم المرجع وأن الكلام ده مش من عندك.

ساعتها استغربت موقفه وانه دافع عني بس حسيت ساعتها اد ايه هو فعلا رجل دين حقيقي وانسان وعارف يعني ايه طالب علم والمفروض مساعدته مش مهاجمته!!!

يا ريت كل رجال الدين في اي دين يكونوا بنفس السماحة والبشاشة والعلم اللي كانت عندك.

البقاء لله وربنا يرحمك ويجازيك خير عن كل الخير اللي عملته.

هذا هو العلامة الأنبا ابيفانيوس اسقف ورئيس دير الانبا مقار الذى كان يجيد اكثر من خمس لغات …

الكل سيذهب إلي الله بعد وفاته .. ولكن السعيد من ذهب إلي الله في حياته .”

شاهد أيضاً

شرطة الخيالة

شرطة الخيالة الملكية الكندية تؤكد تعرضها لهجوم إلكتروني ضخم

أعلنت شرطة الخيالة الملكية الكندية، أنها تدري التحقيقات بشأن هجوم إلكتروني واسع النطاق طال شبكاتها …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.