الثلاثاء , مارس 19 2024
مستشفى إيزيس

وجد المكان وتاه العنوان !!؟

بقلم / ياسر العطيفي

بلا شك ولا ريب إن مستشفى إيزيس اللي إتعملت في البياضية صرح طبي رائع نفخر بيه كلنا كأقصريين ‏وكفاية إنه أول مستشفى متخصص في النساء والولادة لخدمة أهالي جنوب الصعيد وداخل كمان ضمن منظومة التأمين الصحي الشامل… ولكن ، و دائما وابدا للأسف بنحط الجمله الاعتراضية دى لان ممكن حاجه تافهه تفشل حاجه عظيمه زي كده ، ألا وهي المواصلات!!؟؟

للأسف مفيش مواصلات أو سرفيس مباشر يربط المستشفى دى بداخل الأقصر ، يعني يا تاخد اكتر من مواصله ، يا تاخد مواصلة مخصوص كعبء إضافي على الاسرة الاقصرية ، على الرغم من وجود طريق رائع وممهد ومستقيم مما يوفر الوقت والجهد وهو امتداد شارع التلفزيون مرورا بالمستشفى الدولي مرورا بالندى لاند إلي قلب البياضية، يعني كمان ممكن نربط كلا المستشفتان ببعضهما البعض من خلال الطريق ده المستشفى الدولي ومستشفى ايزيس ، يعني في دقائق معدوده هتكون من قلب الأقصر إلى قلب البياضية، مما يوفر معاناة الكثير من الأهالي.. أنا بخاطب محافظه الأقصر متمثلة في شخص المحافظ الكريم ، والسادة مرور الأقصر المحترمين ورئاسة المدينة ، بدراسه الموضوع لأنه مطلب للكثيرين، حتى لو استدعى الأمر بفتح خط سير جديد مباشر من المحطه الي مستشفى ايزيس بالبياضية، والطريق ممهد ويساعد على هذا الأمر.

شاهد أيضاً

عز توفيق

في علم الطاقة البشر ثلاثة أنواع

عز توفيق النوع الأول تشحن منه طاقة إيجابية بمجرد سماع صوته أو التعامل معه .. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.