الجمعة , مارس 1 2024
حمو بيكا
حمو بيكا

حمو بيكا : كلنا جهلة الدكتور جاهل والمحامى جاهل

نازك شوقى

نشر منذ قليل الفنان حمو بيكا على صفحته الخاصة بموقع التواصل الاجتماعي فيس بوك رداً على هجوم متابعيه بأنه لا يجيد القراءة والكتابة قائلاً: طب وأيه يعني عندي أخواتي وقرايبي بيقرولي ويكتبولي اللي أنا عايزه ببيساطة محدش فينا أتولد عارف كل حاجة.

وأضاف بيكا “كلنا جهلة الدكتور جاهل عن المحاماة والمحامي جاهل عن المحاسبة والمحاسب جاهل عن المهندس محدش كامل وزي ما أنا قولت أنا منولتش شرف التعليم بس أتعلمت ازاي اشتغل واشيل مسؤولية اتعلمت ازاي اشقى من صغري ومقولتش لحد أديني.

وتابع بيكا قائلاً أن حد يكتبلي أو يقرالي دي حاجة متخصش حد.

جاء ذلك بعد  نشر الفنان حمو بيكا عدة نصائح لطلبة الثانوية العامة على الرغم من أنه غير متعلم.

يذكر أن مؤدى المهرجانات حمو بيكا هاجم منتقديه، على صفحته الشخصية بموقع التواصل الإجتماعي فيس بوك، موضحًا أنه يعاني من تنمر بعض الناس تجاهه بسبب عدم استكماله للتعليم، وذلك بعد أن قام بتهنئة طلاب الثانوية العامة.
قال بيكا “بتقولو عني جاهل ومش متعلم .. مع ان دي حاجة انا عمري ما أنكرتها ولا حتى خبيتها على الناس ومن يوم ما ربنا كرمني واشتهرت وبقى ليا جمهور بس هرجع واقولكم تانى انها حاجة مكنتش بايدي”. 

وتابع حمو بيكا قائلًا “انت بقي يا متعلم التعليم علمك انك تقعد تعاير الناس بعيوبها؟ التعليم علمك ان تفضل تتنمر علي خلق الله ؟ التعليم علمك انك مباح ليك الشتيمه في حد هو اقل منك فى شئ؟ اكيد لا فمتجيش من ورا شاشه وكيبورد تعمل فيها عم الناصح وانت اصلاً موركش حاجة تعملها !”.

وأضاف قائلًأ “انا متعلمتش ومنولتش الشرف الكبير ده بس اتعلمت حاجات كتير في الدنيا انت متعلمتهاش لسه اتعلمت احترام الكبير والصغير .. اتعلمت اشقى واتعب من صغري اتعلمت اني مغلطش في حد .. اتعلمت حاجات كتير جداً في حياتي انت عمرك ما تتعلمها طول ما انت باصص للناس ..! فكر في كلامك كويس وكومنتاتك كويس قبل ما تكتبها وقبل ما تقول انك متعلم افتكر انك في “تربية وتعليم” يعني التربيه قبل التعليم”.

شاهد أيضاً

الكنيسة الإنجيلية

وفاة الدكتورة هدي جرانت ..والعزاء داخل الكنيسة بالملابس البيضاء حسب وصية الراحلة

رحلت اليوم الدكتورة هدى جرانت Hoda Grant ، الأستاذ المساعد بالجامعة الأمريكية سابقًا، وبقسم اللغة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.