جريدة الأهرام الجديد الكندية 
مقالات مشابهة
مع بيدن شغال مع ترامب شغال في
ليبيا تمام وأثيوبيا عال العال وتركيا
تحت السيطرة وإللي مش شايف كده يبقي
أعمي.
أهل الفتوي
أم علي لو باتت في الثلجة مع بابا غنوج
يبقي حلل ولا حرام أفتوا لنا الله ينور
طريقكم.
ترودو
لو نجحت يبقي بأصوات الناس اللي
عايشه علي ضرايب الناس الشقيانه وده
مش عدل.
أوتول
ولاد الحرام ما خلوش لولاد الحلل
حاجة لكن أحنا معاك لأخر نفس وربنا
معانا والحق هينتصر أن شاء الله.
أوباما
يا تري هتنقذ صاحبك ترودو بتويته وقبل
الانتخابات ولا هتسيبنا في حالنا الله يصلح
حالنا وحال أهلك.
جامعة طنطا
مبروك حققتم الإنتصار علي الطالبة
القريشيه حبيب فتاه الفستان… يا أخي قبر
يلمك منك له ويلم جامعتكم.
أبي أحمد
بيقولوا بتوع تيجراي وصلوا لغاية السد
أمال لو بعتنا شباب شبرا ولا شباب أسوان
هيوصلوا أديس أبابا بقي.
إبراهيم عيسي
كلمك عن إدخال نصوص مسيحية
ويهودية للتعليم إداني الأمل أن بلدنا لسه
بخير طالما فيها ناس زيك.
رئيس وزراء مصر
بعد حوادث العنف ضد الرجالة عايزين
وزارة تعمل علي تأمين حياة الرجالة
وعلي تقليل عنف الزوجات.
ماكسيم برنييه
أنت وحزبك لا تكسبوا متوقع تكسبوا
مقعد واحد او لا مقعد لكن %6 من
الأصوات لو مع المحافظين كنا نضمن
الخلص من ترودو الله يسامحك يا راجل.
فورد
أنا مع باسبور الفاكسين كل واحد حر
ياخد اللقاح ام لا بس انا كمان حر أني ما
أخدش العدوي من واحد رفض التطعيم.
الإعلام المصري
الفرق بين إعلام الستينات ودلوقتي هو
الفرق بين هيكل وأحمد موسي.
الإعلام الكندي
حقيقي المؤسستان اللي فيهم فساد في كل
العالم مؤسسة الميديا ومؤسسة الشرطة…
فين فضايح وي تشارتي يا ضللية.
