الإثنين , يناير 3 2022
عبد الحميد شتا

عبد الحميد واحد من المصريين الغير لائقين اجتماعياٌ .

بقلم . شنودة حبيب
ابوه فلاح بسيط من قرية ميت الفرماوي بمحافظة الدقهلية،
كان حلمه يكون سفير
لما جاب 85% فى الثانوية العامة لم يتنازل عن حلمه وعاد وحصل على 95%
علشان يدخل كلية احلامه “كلية الاقتصاد والعلوم السياسية”كلية السفراء
ابوه الفقير وفر من قوت بيته علشان عبد الحميد يطلع سفير
الحلم قرب اكتر وحصل عبد الحميد على شهادته بتقدير امتياز مع مرتبة الشرف
عبد الحميد اتعلم لغات اجنبية ووبدأ في تحضير رسالة ماجستير

عن إصلاح المحكمة الدستورية في مصر.
كتب فى مجلة السياسة الدولية وكان الاول فى كل في المؤتمرات العلمية
فى 2002 تقدم عبدالحميد لوظيفة ملحق تجاري ونجح في كل الاختبارات
كان الأول على منافسيه الـ43 لكن اسمه منزلش فى لوحة الفائزين
عبد الحميد مينفعش يكون سفير علشان اسمه نزل فى لوحة المرفوضين
وعلشان هو مرفوض وغير لائق اجتماعياٌ قرر الانتحار
عبد الحميد رمى نفسه فى النيل ومات منتحر
يمكن مش كتير يعرفوا قصته بس كتير اللى اتعاطف مع وزير العدل امبارح
كتير منا مش لائقين انسانياٌ وعاوزين يقتلوا حتى الحلم فينا

شاهد أيضاً

لنجعل الله امامنا والمجتمع في الخلف .

أزدواجية المجتمع العربي سبب أمرضنا النفسيةنحن مجتمع يعاني الكثير من الأمراض النفسية ترجع معضمها إلي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *