جريدة الأهرام الجديد الكندية 
مقالات مشابهة
ناصر النوبى
جواك الوان حلوة كتيرة
لون الفل ولون الورد
ياسمينة الدنيا فى جمالها
الشمس بتشرق وتغيب
والقمرة لساها بتطلع
خليها على الله وتعالى
امك مشتاقة لريحتك وجنانك
ياسمين حلوة واميرة
بسمة بسومة بنت اتناشر
غادة احلى عيون نعسانة
والغايب ادم جالك
وكمان آيه اجمل روح فى العيلة
ويابوحك وياغناك يا يمام فرحان بالبيت
جوالك ألوان حلوة حليها
بلون الفل ولون الورد
ريحة المواويل البلدى
وياعينى ياليل
مرسومة فى قلب حبيبتك
ساعة مابتطل عليك
وتغنى معاها مواويلك
يا ويلك لو تبعد عنها
تتغرب جواك وفى كل مكان
ولو زادت فى دلالها
اعشقها وحنيها بلونك
دفيها بحضنك
واياك اياك تبعد عنها
او تقسى عليها
جريها فى دمك ارويها بنيلك
جواك الوان حلوة حليها
لون الفل
لون الورد
النيل بيزيد ويخس
لكن عمره ماهدى ولاخاف
رايح للبحر مواصل ومعافر
شايل جواه اصداف وجواهر
احلام واغانى
اسرار ومعانى
الوان وحكاوى
اول كلمة انه بنى ادم إنسان
