السبت , أبريل 23 2022
أخبار عاجلة
ثورة 25 يناير

شاعر : لو قامت ثورة ثالثه حتكون تحت خمسين راية وخمسين فصيل والبلد حتضيع .

وجه الشاعر والكاتب المعروف أحمد فؤاد جويلى كلمة الى محبى الرئيس عبد الفتاح السيسى قائلا لو حضرتك بتحب السيسي .. محدش منعك من الحب يا سيدي .. بس في إدارة دولة مفيش حاجه اسمها حب وكراهية .

فيه احترام أو عدم احترام .. ويمكن يكون بعض اللي بينتقدوا إداء السيسي بيحترموه أكتر منك . بس يا سيدي لما تحب حد وتقعد تصقف له وترقص له وتغني له طول الوقت ، فأنت بتخلق لعنة أكبر من لعنة الحزب الوطنى والاتحاد الاشتراكي معاً .

البلد في خطر .. ولو بتحب البلد دي تكتب كل يوم للسيسي عن اللي مفروض يكون .. واللي مفروض يحصل واللي مفروض يتقال واللي مفروض يتعمل .. اكتب وجهة نظرك في النهاردة مش أمبارح .. امبارح خلص وانتهي .
لو بتحب البلد دي خاف عليها من موجة ثورية لو حصلت حتأخد البلد كلها .. الثورة لو قامت تاني مش حتكون تحت راية واحدة . لكن حتكون تحت خمسين راية ، وخمسين فصيل وخمسين أجندة ، والبلد حتضيع حتضيع بجد ..
لو بتحترم السيسي .. أو بتحب البلد دي .. أكتب بجد ، ولو كلامك معجبش يبقا عملت اللي عليك وأرضيت ضميرك قدام ربنا سبحانه وتعالي .. ولو كلامك عَجب . يبقى يا دار مدخلك شر .

أحمد فؤاد جويلى

شاهد أيضاً

الأنبا دميان يشرح طقس صلاة الجمعة العظيمة لمجموعة من الألمان حضروا اليوم بدير السيدة العذراء والقديس موريس بألمانيا

حضر اليوم 22 أبريل 2022م مجموعة من الألمان صلاة الجمعة العظيمة التى تعد أقدس أيام …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *