الخميس , مارس 28 2024
Ahmed Zaki
أحمد زكى

ليه أحمد زكى ؟

رامى كامل

سؤال كل مرة بشوف عمل لزكى بسأل نفسى ليه الاحساس دايما بينى و بينه متواصل طول وقت العرض.

زكى مش مصطنع مش بطل اسطورى من نوع بيضرب كل الناس ومحدش يقدر يضربه و ماشى شايل طقم عضلاته بمستلزماته.

زكى جارك فى البيت فى الشارع الراجل اللى جنبك فى الميكروباص وبيجرى ورا الاتوبيس

ويتسحل فى المصالح الحكومية.

زكى فاسد بقدر فسادنا و نضيف بقدر نضافتنا و بيعكس ده كله فى الشاشة

فبنشوف اللى احنا عارفينه .

زكى مش مثالى فى تمثيله بس مثقف و فاهم الدور كويس جدا ، وفاهم دماغ المخرج

وعايز يطلع شئ يعيش “طبيعي حاجات تقع منه بس الاغلب رائع”زكى زي حضرتك بالظبط عصبى

وابن نكتة و نرجسى و بيحب الناس و جواه كل المتناقضات ، وعايش معاها

زينا بالظبط و مجاش فى مرة ادعى المثالية، بيحب و يكره

والكل عارف ، والكل بيحبه لأنه فيه الميزة الوحيدة

اللى مش فى غيره “دوغرى” بيحبك او بيكرهك هتعرف و فى وشك.

فى ذكرى رحيل أحمد زكى … بحبه عشان شبهنا.

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.