جريدة الأهرام الجديد الكندية 
مقالات مشابهة
هذا هو أكثر بطريرك جلس على كرسي القديس مارمرقس الرسول أنه القديس البابا كيرلس الخامس الذى ظل بابا و بطريرك لمدة 52 سنة و 11 شهر يعني تقريباً 53 سنة
قبل تنيح البابا كيرلس الخامس انقلب عليه بعض الأراخنة من الباشاوات الكبار
ومع الأسف أدعوا كذباً أنه أصيب بالجنون وأجبروه أنه يعيش في ڤيلا بحلوان
ويتم عمل لجنة لتسيير أعمال الكنيسة ، وبالفعل عاش البابا بحلوان بمفرده
وكان يصلي القداسات في المناسبات
لما البابا كيرلس الخامس راح عاش في حلوان كان حزين جداً للي حصل
كانت مدينة حلوان وقتها مثل المدن الجديدة حاليا، عبارة عن صحراء وڤيلات منتشرة في الصحراء
فكان البابا كيرلس الخامس وهو شيخ وعجوز وطاعن في السن بيجمع الأطفال المسيحيين الموجودة في الفيلات اللي حواليه ويعملهم مدارس أحد و يلعب معاهم و يوزع عليهم حلويات
وفي احد المرات الأراخنة الباشاوات قالوا مايصحش مانزورش البابا كل الفترة دي
تعالوا نروح نزوره ركبوا الأتومبيل ( السيارة ) واتجهوا لحلوان
ولأن حلوان كانت وقتها صحرا فكان ممكن اي حد يشوف الڤيلات من على بعد
فواحد من الأراخنة الباشاوات دول شاف البابا بيلعب مع الأطفال
فراح قال للباشاوات اللي معاه شوفتوا البابا وعمايله.؟
البابا بيلعب مع الأطفال صدقتوني لما قولتلكم أنه أتجنن.؟؟
المهم الباشاوات وصلوا للڤيلا و دخلوا علشان يسلموا على البابا كيرلس الخامس
فالبابا مد أيده علشان يسلم على كل واحد فيهم
ولما جه عند صاحبنا الباشا دة البابا مامدش أيده مع إن الباشا مد ايده
فالباشا شعر بالحرج فالبابا كيرلس الخامس وطى وهمس في ودن الباشا بهدوء وقاله مش عيب لما تقول على أبوك أنه مجنون !! الباشا أتصدم و إنهار في البكاء وطلب من البابا السماح
فالبابا بكل محبه قاله.. الله يحالك أخدنا بركة وأتأكد الباشاوات أن البابا كيرلس الخامس هو قديس حقيقي وروحوا بيوتهم في اليوم دة وهما متوبخين من الله.
الخلاصة من تفاصيل هذا الواقعة
حذارى تستهين بأى شخص يحاول يقدم خدمة في الكنيسة مهما كانت بسيطة ، حذارى من أنك تدينه في قلبك ، لأنك ماتعرفش علاقة الموجود أمامك بربنا شكلها أيه ، ماتقللش من قيمة حد مهما كان اللي بيعمله بسيط
لأن لو اللي بيعمله بسيط في عينك فالعمل دة عظيم جداً في عين ربنا
