الأحد , أبريل 21 2024
رامز زوج مارينا صلاح

زوج مارينا صلاح : هروح أنام قدام قصر الاتحادية لحد ما أقابل الرئيس عشان مفيش حد يتقهر على حد غالى عليه تانى كده

نازك شوقي

مازالنا نتابع ونسرد كل ما هو جديد بشأن وفاة السيدة مارينا صلاح التى وافتها المنية بالأمس داخل احد مستشفيات العيون وبمجرد اعلان وفاتها واشتعلت شبكات التواصل الإجتماعى ما بين الحزن والمطالبة بحقها وما بين هذا وذاك كنا فى الأهرام أول من نقل خبر وفاتها كما نشرنا تفاصيل حملة المطالبة بحقها

واليوم سننشر تصريحات كاملة لزوج مارينا صلاح التى أكد فيها بانها لن يترك حق زوجته وأنها يرجو الرئيس للمطالبة بحقها

تصريحات الزوج

كشف «رامز» زوج مارينا صلاح ضحية الإهمال الطبي، تفاصيل ما حدث لزوجته، قائلا إنه منذ شهرين قامت زوجته بالكشف في المستشفى الوطني وأعطتها طبيبة دواء وقالت لها إنها تعاني من حساسية في عينها، وبعدما وضعت القطرة في عينها أحمرت عينيها «ضربت دم».

وأضاف “رامز” فى أول ظهور له من خلال فيديو أنهم قرروا متابعة حالتها عند طبيب آخر، ولكن ما زالت في عينها أثار إحمرار، ثم توجهوا إلى طبيبة أخرى وأجرت لها كشف وتبين أنها مصابة بالتهاب قزحي، وتحتاج لأشعة.

وتابع: «مارينا دخلت تعمل أشعة بالصبغة خرجت بعد 10 دقائق قالتلي أنا بموت الحقني والدكتورة ماعملتش اختبار للحقنة وقالتلي أنتي مش هتعرفينى شغلي دي مجرد حساسية، طلعت أجري على دكتور الباطنة نزل يبص عليها بعد ما أزرقت».”

موضحًا: “أنا لسه راجع من دفن زوجتي وحق مراتي مش هيضيع عشان حق ابنها اللي عمره سنة ونصف”.

وطالب بالاحتفاظ بكاميرات المراقبة في المستشفى لإثبات صحة أقواله، «أنا عاوز الكاميرات بتاعت المستشفى علشان الكاميرات دي هي اللي هتطلع صحة كلامي، لأن لو فيه نقص أو زيادة للكلام اللي بقوله أنا هتحاسب على الكلام دة كله، راحت مارينا مني في غمضة عين ومش هاسيب حقها».

وناشد “رامز” الرئيس عبدالفتاح السيسي والقيادة السياسية بالتحقيق في واقعة وفاة زوجته مارينا صلاح، ومعاقبة المتسبب في الواقعة، قائلًا: “أفوق شوية من الصدمة ومش هسيب حقها ولو آخر يوم في عمري مش هسيبه، حتى لو الدنيا هيحصل فيها ايه”.

وتابع: “هروح أنام قدام قصر الاتحادية لحد ما أقابل الرئيس السيسي عشان مفيش حد يتقهر على حد غالي عليه بالطريقة دي تاني أو حد يحصله كده”

موضحًا: “دي مش أول حالة نسمع عنها في المستشفى وأنا مش هسكت بس أستوعب اللي حصل ومش هسيب حقها أبدًا ولو آخر يوم في عمري”.
وأكد: “واثق من أن الرئيس السيسي عمره ما هيعدي حاجة زي كده دون حساب”.

وعن تفاصيل تلقيه خبر وفاة زوجته، قال: «كنا قاعدين قدام المستشفى وكل شوية كانوا يقولوا لنا الدنيا هتتحسن لحد ما الدكتور بعت لنا، أخوها قابله وقالونا الدنيا خلصت».

وتابع: «روحنا المستشفى بعدها نجيب منهم التقرير بس رفضوا يعملوه وعملنا بلاغ نجدة والناس اتحركت بسرعة سواء المأمور والظباط وعملنا بلاغ ومحضر والموضوع في النيابة دلوقتي وبتمنى الكاميرات ميتلعبش فيها هي دي السند القانوني الكبير معايا».

رامز زوج مارينا صلاح
مارينا صلاح ساركيس

شاهد أيضاً

شرطة مونتريال تعلن تجنيد عصابة سرقة السيارات للمراهقين لسرقة السيارات

كتبت ـ أمل فرج صرحت شرطة مونتريال عن تجنيد عصابات سرقة السيارات للمراهقين؛ لاستخدامهم بعمليات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.