الخميس , مارس 28 2024
شريف رسمى

يا فرعون مين فرعنك ؟!ما لقتش حد يلمني !!

مجرم معتاد الاعتداء علي الاقباط سيدات و رجال اسمه عبد الله حسني البدري من قرية الديابات نجع عرب مهدي مركز اخميم بسوهاج المجرم الطليق اللي مش لاقي حد يحكمه او يشكمه اعتدي قبل كدة علي 3 اخوات مينا و روماني و راول عادل بسلاح ابيض و مرة اخري علي سواق ميكروباس و مش بس كدة دة الراجل اللي من أصل عربي و هو نجع عرب المهدي ما سلمش منه الستات القبطيات سوي بالاعتداء البدني او التحرش .. اعتدي بشومة علي سيدة مسنة اسمها ام اسامة سعد بقطر و داخل منزلها .. اتحرش بحرم و بنت جرجس نعيم و لما دافعوا عن نفسهم اعتدي عليهم بشومة .. اعتدي علي زوجة و اخت هاني عادل بكوريك

يعني ده لا راجل ولا انسان اخر جريمة هزت الرأي العام هي اعتدائه بساطور علي شاب قبطي يشهد ليه الجميع بالادب و الاحترام كيرلس ناجح مجلي شاب مكافح و هو راجع من شغله و راكب موتوسيكل فوجئ بالوحش هجم عليه و اسقطه من علي الموتوسيكل و انهال عليه بساطور بغرض قتله لانه ضربه 3 ضربات بالساطور علي راسه فحصل جروح نافذة و كسر في الجمجمة و نزيف داخلي و خارجي و ضربه في كل انحاء جسمه فحصل قطع في اوتار و شرايين ايديه و جروح في مناطق مختلفة في جسمه

وتم نقله للمستشفي بين الحياة و الموت و بعد عدة عمليات دخل العناية المركزة و هو في غيبوبة كاملة و حالتة خطيرة جدا سؤالي للسادة المسئولين .. ازاي مجرم زي كدة بيخرج من جرايمه زي الشعرة من العجينة ؟!ولا علشان من العرب و الاشراف ؟!بعض المواقع نشرت روشتة من طبيب نفسي ان المجرم مصاب بفصام ذهني و خطر علي نفسه و علي الاخرين .. و اظن لو صح هذا التشخيص يصبح عار علي الدولة انهم يسيبوه طليق في الشوارع و للاسف تخصص اعتداء علي الأقباط

رسالتي للمجرم انت خرجت من كل جرايمك السابقة زي الشعرة من العجينة لكن المرة دي هتتعاقب و هتدخل السجن مدة طويلة ممكن تكون باقي حياتك اهل المجني عليه يتعرضون لضغوط و تهديدات فنرجوا من قوات امن سوهاج حمايتهم و سرعة انهاء التحقيقات لان مفيش سبب واحد ظهر حتي الان يبرر الاعتداء علي كيرلس

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.