السبت , أكتوبر 1 2022
مبروك عطية

يا مبروك يا عطية أنت لا شيخ ولا دكتور أنت بعيد كل البعد عن الإنسانية

شريف رسمى

الدنيا مقلوبة بسبب فيديو مبروك عطية و مش هقول شيخ ولا دكتور ولا عالم لأنه بتهوره وعدم تحكمه في ألفاظه اثبت أنه بعيد كل البعد عن أخلاق البشر و الإنسانية سأقوم بالتعليق علي حاجتين باختصار شديد

الأول يا مبروك عطية مينفعش تقول بمنتهي الجهل ان ‘” سيدنا عيسي و مش هقول لا السيد المسيح ولا المريخ .. كلهم سادة “” اولا نبرة صوتك و عوجة بقك و سخريتك دليل علي تربيتك و أخلاقك و كمان جهلك بدينك

و بقرآنك اللي بيقول في سورة آل عمران “٤٥ إِذْ قَالَتِ الْمَلائِكَةُ يَا مَرْيَمُ إِنَّ اللَّهَ يُبَشِّرُكِ بِكَلِمَةٍ مِّنْهُ اسْمُهُ الْمَسِيحُ عِيسَى ابْنُ مَرْيَمَ وَجِيهًا فِي الدُّنْيَا وَالآخِرَةِ وَمِنَ الْمُقَرَّبِينَ ٤٦ وَيُكَلِّمُ النَّاسَ فِي الْمَهْدِ وَكَهْلاً وَمِنَ الصَّالِحِينَ ” .. يعني الله في القرآن بيقول المسيح عيسي .. يعني الله بنفسه هو من مسحه و اعطاه لقبه و مش أنت يا جاهل اللي تقول لا مسيح ولا مريخ والا بتنكر ما جاء في القرآن

و زي ما بتقول كلهم سادة ( الأنبياء ) لكن مش كلهم مسيح ولا كلهم من تكلم في المهد ولا أقام الموتي و لا تم رفعه الي السموات و مش هقول أكتر من كدة في الجزء ده

الثاني سخريتك أو التقليل من شأن الموعظة علي الجبل واعتراضك علي اعجاب إبراهيم عيسي الشديد و أن بها كل ما يصلح الاخلاق والسلوكيات و بتقول برضه بجهل أيه الجديد في الموعظة علي الجبل من صفح و غفران وصلاة علي المسيئين و كل ده موجود في القرآن ؟! يا مبروك جملة ( ايه الجديد اللي في الموعظة علي الجبل ) تدل علي جهلك مش بس بالدين ده كمان جهل باللغة لأن الموعظة علي الجبل في الانجيل سبقت القرآن بأكتر من ٦٠٠ سنة !!

يعني مفيش جديد في القرآن في الجزئية دي وسؤالي ليك يا مبروك أيه الجديد اللي عندك أنت شخصيا و مش مذكور في الموعظة علي الجبل ؟!

عيب عليك تبقي راجل شايب و عايب !! مرة عايز الستات تبقي شبه الشوال و مرة بتهددهم يا تخرج قفة و ترجع قفة يا تتقتل .. عيب اختشي و خليك راجل علي قد كلمتك و اعتزل الشاشة لأنك قبل كدة رجعت في كلامك بعد ما وعدت انك مش هتظهر تاتي لأن ظهورك و تهورك هيعمل في يوم من الأيام فتنة مش هنعرف نلمها

شاهد أيضاً

إغلاق مستشفى ميسيساجا لاحتياطات أمنية

كتبت ـ أمل فرج صرحت الشرطة الكندية بعدم الاقتراب من محيط مستشفى ميسيساجا، وتتواجد الشرطة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *