الأربعاء , أكتوبر 5 2022
كنيسة أبو سيفين

يا وجع القلب

شريف رسمى

من صباحية ربنا مش قادر اكتب عن حريق كنيسة ابو سيفين بمنطقة المنيرة بإمبابة لكن غموض الحادث قتلني … غموض عجيب !!يعني ايه حريق و دخان كثيف جدا و دورين مولعين الثالث و الرابع و أهالي المنطقة هما اللي يكتشفوا الحريق و يفصلوا الكهرباء و يخبطوا علي ( باب الكنيسة المغلق )

والخدمات شغالة بالداخل و حارس الكنيسة يفتح الباب و كأنه غايب عن الوعي و يندفع خلال دقايق الاهالي ليجدوا الدخان الكثيف خنق عشرات الاطفال وعشرات الخدام وصلوا 41 حالة وفاة و 14 اصابة و كأنها ضربة غاز مش حريق و الدكك مقلوبة و الجثث في كل مكان دليل ان كان في هرج و مرج و جري و تصادم و صراخ يعني ايه المطافي توصل بعد اكثر من ساعة من البلاغ و اللي وصل ٤ عربيات مطافي قديمة و واحدة منهم السلم بتاعها عطلان معرفوش يطلعوا بيه

( بناء علي شهادة الاهالي في الفيديوهات ) و بعدها تيجي عشرات من سيارات المطافي الحديثة يقال ان عددهم ٦٠ سيارةيعني ايه جثث الاطفال و الخدام تترص في الشارع مش لاقيين حد ينقلهم و الاسعاف اللي يبعد عن الكنيسة ٣ دقايق يوصل متأخر جدا لدرجة ان العربية الواحدة كانت بتشيل من خمس لست جثث ؟!!

( بناء علي فيديوهات الاهالي )حادث غريب جدا جدا جدا !!حادث يحيطه الغموض بطريقة مريبة !!حصل حرايق كتير في الكنايس قلنا انها قد تكون حوادث ارهابية و احيانا احمال كهربية زيادة و الارهابيين ولعوا و فجروا عشرات الكنايس يوم فض اعتصام رابعة لكن ما ماتش فيها الاعداد الكبيرة دي ربنا يصبر اهالي المتوفين اللي في اسر بالكامل راحت فيها جدة و ام و اولادها .. و اخوات .. ربنا يشفي المصابين لكن مطلوب تحقيق شفاف يكشف غموض الحادث

شاهد أيضاً

النرجسية الطريق نحو الهاوية (١)

أيمن عريان صارت النرجسية مرض العصر، وهي أخطر ما يواجهنا الآن. لقد مررت السوشيال ميديا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *