جريدة الأهرام الجديد الكندية 
مقالات مشابهة
علق الناشط القبطى شريف رسمى على الفيديو المتداول والخاص بانتشار الدخان أثناء قيام المتنيح عبد المسيح بخيت الذبيحة قائلا
كنت فخور أن أبونا المتنيح عبد المسيح بخيت راعي كنيسة أبو سيفين في إمبابة اتوفي و هو بينقذ اولاده
و رعيته حتي آخر نفس في حياته و استشهدت بالاية الراعي الصالح يبذل نفسه عن الخراف .. كنت فخور به لأني شخصيا محتاج النوع ده من الكهنة
محتاج الخادم المتفاني من أجل شعبه اليوم استيقظت علي فيديو كارثي لصلاة القداس أثناء حريق الكنيسة
و يظهر فيه أبونا بيصلي في الهيكل و في دخان كثيف بيدخل الهيكل حتى غطى على الإضاءة من كثافة الدخان
و الشمامسة بيتململوا
وفي الكاميرا الثانية واضح أن أفراد شعب الكنيسة اللي بيكح و اللي بيهوي لأنه مش عارف يتنفس كل ده و أبونا مستمر في أكمال القداس .. الفيديو مدته أقل من دقيقة وهناك احتمالين :
الاحتمال الأول بعد مرور الدقيقة والمفروض تكشفه الكاميرات أن لما الدخان زاد بالشكل ده أبونا صرف الشعب
و جري ينقذ اولاده مثلما سمعنا و كتبت عن بطولته
الاحتمال الثاني أن أبونا كمل القداس لحد ما اتخنق هو والمعلم و بعض الشمامسة وسقطوا موتى وده احتمال كارثى شارك فيها ابونا .. لو ده اللي حصل يبقي أبونا المتنيح شارك في قتل اولاده بدل ما ينقذهم
تركهم للموت علشان يكمل الذبيحة و نسي ان الله طلب رحمة لا ذبيحة ، لم يرحم أولاده وهو متخيل أنه كدة بيعمل الصح و أن ده الإيمان الصحيح .. الذبيحة لحياة الإنسان و ليس لموته
المسيح ( الذببحة ) ضحي بنفسه من أجل الإنسان مش العكس يا ابونا لا يا ابونا انت غلطت .. الذبيحة المقدسة علي المذبح مش هيحصلها حاجة لو تركتها مكانها و جريت تنقذ اولادك
كان ناقص بس الجسد و الدم من علي المذبح يصرخوا وسط الدخان و يقولولك روح انقذ اولادك و انقذ نفسك الغريبة ان اسم الفيديو ( امناء حتي المنتهي ) و للأسف لو كان ده اللي حصل يبقي مفيش ريحة الأمانة
على الجانب الأخر لدى سؤال لماذا تم تسريب فيديو صلاة ابونا عبد المسيح بخيت وهو بيصلي القداس في الهيكل وسط الدخان؟!
وليه اللي سربه قص أقل من دقيقة ونشره و كأنه بيوجه أصابع الإتهام لأبونا ؟! الفيديو مأخوذ من كاميرا رقم 6 يعني هناك علي الأقل 5 كاميرات قاموا بتصوير ما حدث ، أين الفيديوهات ولماذا لم يتم تسريبها مثل هذا الفيديو ؟! شهادات كتيريين من داخل الكنيسة بتقول أن الفيديو اللي اتسرب كان في البداية لما قالوا لأبونا أن الموضوع بسيط لكن بعد ما عرف حجم الكارثة صرف الشعب و جري ينقذ اولاده زي ما كتبنا أول مرة كدة الموضوع بيزيد غموض و بيتم توجيهه مش كشفه
