الجمعة , مارس 29 2024
فريق عيون مصر

شريف رسمى تعليقاً على نادى عيون مصر ” أفيدونى ربنا يكرمكم “

علق الناشط القبطى شريف رسمى على فكرة انشاء نادى عيون مصر الذى يتولى الاشراف عليه الأنبا روافائيل قائلا

في معركة من أمس بين المسيحيين و المسلمين و بين المسيحيين وبعضهم بسبب خبر تأسيس الأنبا رافائيل نادي لكرة القدم البعض بيقول ده فكر يؤكد و يؤصل علي هدم المواطنة و نشر العنصرية في مقابل البعض اللي بيقول أن اللاعبين المسيحيين بيترفضوا من اللعب في النوادي

سؤالي بقي لأني لما كتبت بالأمس أني محتار في اصدقاء معجبهومش حيرتي .. ممكن تساعدوني لأن احيانا بيكون فهمي علي قدي في نادي عالمي ( بمعني ان له فروع في العالم كله ) موجود من بداية القرن التاسع عشر في مصر اسمه جمعية الشبان المسيحيين .. ده نادي ليه فروع في اكتر من ١٥٠ دولة و ليه فروع في غالبية محافظات مصر و بيقبل اشتراك الأخوة المسلمين وقبلهم كان اليهود كمان و له فرق رياضية في غالبية الالعاب الفردية و منها طبعا كرة القدم .. و خرج منه أبطال قارات ، وأبطال عالم بدأوا حياتهم فيه زي بطل الجودو محمد رشوان و ليهم فرق بتلعب في الدوري الممتاز زي التنس وتنس الطاولة وعندهم ملاعب كرة قدم وطائرة ويد

وحمامات سباحة ايه بقي اللي ممكن يضيفه أو أيه الجديد في نادي عيون مصر التابع لكنائس وسط البلد و تحت اشراف الأنبا روافائيل ؟! طبعا انا مش رافض الفكرة يارب كل كنيسة تعمل فرق رياضية و أهو كله إفادة للشباب لعدم وجود لا نوادي ولا ملاعب في معظم مدارس و قري مصر ؟ وليه نأجر مكان يتدرب فيه الفريق في حين أن في بالفعل أماكن مسيحية للتدريب و مفتوحة لكل الشعب المصري بدون تمييز أو عنصرية ؟!

افيدوني ربنا يكرمكم

شريف رسمى

شاهد أيضاً

تفاصيل واقعة انتحار فتاة البراجيل

تتابع النيابة العامة في الجيزة التحقيقات وتحريات المباحث حول واقعة إنهاء فتاة لحياتها بتناول مادة سامة، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.