الأحد , يناير 29 2023
جرجس بارومى

حكاية جرجس بارومى والعفو الرئاسى

رامى كامل

فى البداية احب حضرتك تعرف أن كاتب السطور دخل فرشوط بعد ساعات قليلة من بدء الاعتداء على الأقباط سنة ٢٠٠٩ بسبب موضوع جرجس بارومى ، وكمان حضرت بنفسى ال ١١ جلسة بتوع القضيتين “جرجس بارومى – شهداء نجع حمادى” كل قضية ١١ جلسة و كان بيتم نظر القضيتين مع بعض.

القصة ان تم اتهام الشاب جرجس بارومى باغتصاب فتاة وعليها تتابعت الاحداث من حريق و التعدى على بيوت الأقباط فى ديسمبر ٢٠٠٩ حتى حادثة مطرانية نجع حمادى فى ٧ يناير ٢٠١٠

والقصة اخدت ابعاد كتير احب حضرتك تعرفها عشان تفهم ليه جرجس فى الوضع ده.

اولا بعد سياسى … قضية جرجس و تباعاتها حضر فيها منظمات حقوقية و طبعا قبطية واحزاب وحركات ثورية “٦ ابريل والاشتراكيين الثوريين شاركوا الاهالى وتضامنوا معهم”

وحصلت مظاهرات من الشباب القبطى ضد “الحزب الوطنى و قياداته” بسبب دعم احمد عز لعبد الرحيم الغول.

ده أول بعد مخلى القضية ذات بعد سياسى و بتتحسب فى زاوية منها سياسة.

ثانيا بعد امنى … بعد الحكم على جرجس رجعت القرية “فرشوط” أكثر هدوءاً طائفيا على الاقل وده بيجعل الجهات الأمنية لس لديه اى رغبة فى استنفار الأهالى وهنا القصة لها علاقات خارج حسبة هو جرجس مظلوم ولا لا

أان القصة بتمتد لأمن جرجس الشخصى كمان وممكن اى مختل يأذيه

ثالثا بعد قانونى الأساتذة المحامين اهتموا بتحقيق نصر قانونى فى قضية شهداء نجع حمادى لكن اغفلوا قضية جرجس أو حصل توازن ما فى الكواليس إن إعدام الكمونى “أول حكم اعدام يصدر فى قضية قتل أقباط” مقابل سجن جرجس و أهمال الاجراءات و لا ابرئ اى استاذ محامى حضر فى القضيتين من ذنب جرجس.

والبعد القانونى التانى أن العفو الرئاسى من شروطه أن لا يشمل المحكوم عليهم فى قضايا الاغتصاب

وجرجس وأنا وحضراتكم عارفين أنه مظلوم لكن واقع قانونى لا يشمله اى قرار عفو.

جرجس للاسف بقى اداة تلميع نواب ومحامين و صحفيين وباستمرار شخص يخرج يعشم الناس أن جرجس خارج فى العفو واسم صاحب الحملة يتلمع و يفضل جرجس فى زنزانته وفى ظلمه.

جرجس مظلوم ده كلام لا شك فيه وأنا قمت بتصوير الصور الشهيرة لجرجس فى القفص وأنا الوحيد اللى كلمته مباشرة و دموعه مالية وشه “أنا مظلوم معملتش حاجة … قولهم يكشفوا عليا” دى جملته لي ونقلتها للسادة المحامين بالنص.

جرجس سيشرب كأس الظلم لاخر قطرة و سيخرج فى ٢٠٢٥ ولو حابين تفكروا

أرجوكم فكروا كيف يمكن ان نطبطب عليه و نعوض ولو جزء بسيط من الظلم اللى شافه.

شاهد أيضاً

مرآة البحر!

من أكثر الأدوات الفلكية شهرة في العصور الوسطى أداة تسمىى “أسطرلاب”. ورغم أنها انتشرت وتطورت …

تعليق واحد

  1. الشيء الوحيد الذي نقدر عليه بعد أن تم تحمله الظلم .. أن نقوم باعانته ماليا حتي يخرج من قريته ويعيش في مكان أخر يختاره .. وان يكون المال يضر عليه دخل جيد شهريا حتي لا ينذل في باقي حياته ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

كازينو 888 الكويت