الخميس , مارس 28 2024
محمود حجاج وضيف افتراضى

محمود حجاج ضيف افتراضى للإعلامية ياسمين عز..

محمود حجاج يوجه كلمات صادمة لياسمين عز “بضيف افتراضي” سوشيال ميديا ..

نشر الكاتب الإعلامي محمود حجاج رسالة ” ضيف افتراضي” علي حسابه الشخصي وجه من خلالها بعض الرسائل للإعلامية ياسمين عز بدأت بالغزل وحملت بداخلها بعض الرسائل والسرد والانتقاد والسخرية علي ما يحدث مؤخرا علي وسائل التواصل الاجتماعي

وجدير بالذكر أن “ضيف افتراضي” ناقشت بعض ظواهر الأوضاع الاجتماعية بين طبقة وآخري… ضيف افتراضي ..! ازاي ينفع تكوني قصادي ! هيكون إيه سؤالك الأول ؟؟ عشان اجهز وارد واقول…؟

هجاوبك وهتخلبط عشان بس كلامي يطول…! هجاوب بس عشان البصة والتعبير…. وبعد الفاصل الأول من الكاميرا عليكي هغير …!! ويجي الفاصل التاني هقولك شعري الموزون … تقوليلي برافوا صدقتك …. فأتغزل في أحلى عيون…. كل ضيوفك خدتهم ضحتك سرحوا… والضحك معاك نهايته جنون….. !!

ترند الحلقة هيسمع … هيقولوا الجميلة خلاص ضحكت… في نهاية الضحكة بدمع….؟! اصل الضيف مهوش عادي.. ََ!! مثقف جاي من الشارع … قهاوى السيدة عايشة… كلامه خفيف ووزنه مفيش … يشبه حركة الريشة….! وشاف أشكال وشاف الوان.. .. وكاتب علي الورق حكايات … حتي دخان الشيشة….! جواه مخزون خليط فلاسفة مع مجانين… قالوا حكاوي عن العيشة… !! وكتبوا حاجات وحذفوا حاجات … ونيسوا .. يفصلوا الفيشة…. !! دى ناس مشاكلهم مهيش مكياج… ولا عربية متلخبط … ابيتها في اي جراج..؟! ولا ناس بتفكر مين يحكم في قلب البيت… الراجل ده ولا الست…؟؟ دى ناس حتي متعرفش معنى لفظ انترنت… !!

ناس مشاكلهم اكبر من ترند رقاصة … او فنان شرب سيجارة فيها حشيش..!! دى ناس من كتر مشاكلهم نصهم انقلب دراويش …… !! دى ناس غلبهم اكبر…. من شرب قهوة فرنساوي … أو قهوة مانو وفراخ شيش !! وعصير فرش معاه شلموه … دى ناس فرحتها بتنور … وهما بيقسموا رغيف العيش …!! وفجأة القهوة انقلبت … ملامح تانية من بره .. ! واحد لابس سلسلة فضة … وقميصه فاتحه للسرة…! و شعره لفه علي ضفاير … وبيقول للقهوجي بليز … قهوتك مرة… !! وواحدة في ايدها سيجار بني … وبتقول للقهوجي الشيشة أنا حرة… !! حكاوي كتير والحلقة وقتها قصير…. وفي كل حكايه بحكيها …. عنيكي بشوفها بتتغير….!! بشوفها حقيقي بتخطفني … واسئلتك ليا بتحير !! ضيف افتراضي…

محمود حجاج وضيف افتراضى

شاهد أيضاً

ريهام سعيد تفاجىء المصريين بهذا القرار

بعد عملية التجميل الفاشلة التى حدثت فى وجه الفنانة والإعلامية المعروفة ريهام سعيد والتى قامت …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.