السبت , أبريل 13 2024
أخبار عاجلة
حنان ساويرس

نصيحة لوجه الله السند والضهر !!!

حنان ساويرس

اصعب حاجة لما تلاقى الأبواب مغلقة فى وجهك وخصوصا لو انت مريض محتاج طبطبة سواء كنت مريض نفسيا أو جسديا والأسوأ لما يكون أقرب الناس لك هم الشوكة اللى فى ظهرك والخنجر اللى بيتم طعنك به سواء الطعنة جاية منه هو شخصيا بشكل مباشر أو حد غريب دخل بينكم مرسل من الشيطان لينضم للعائلة ليستخدم اقرب الناس لك فى طعنك وكسر ظهرك … وبتوجع اوى لما يكون أخوك اللى اتقاسمت معه الفرح والحزن والخير والهم واللعب والضحك قبل ما يدخل حياته هذا الشيطان فى صورة شخص جديد انضم للعائلة عشان يطعنك به والأصعب أن اخوك اللى عاشرته من يوم ولادتك يبيعك اول ما يدخل الشخص الغريب فى حياته سواء زوجة اخ او زوج أخت

يبيع عشرة عمر كامل عشان حد عرفه من ايام !!!هذا هو حال الإخوة والأخوات فى زمننا هذا .

لا ألوم على من انتقمت من نفسها وانتقمت من الجميع لأن ليس لها سند فى الحياة .. وعشان كدا الافضل
أن لا تتكل على ذراع بشر .. اسندوا نفسكم بربنا وبعدها اسندوا نفسكم بنفسكم عشان لما تصحوا على صدمة الوهم اللى اسمه السند سواء كان أخ أو اخت أو صديق او زوج أو زوجة ماتتكسروش لأن لما الإنسان بيتكسر ويخذل ممن حوله فحسب قوة إحتماله فإما ينتحر الانتحار التقليدى أو الإنتحار المعنوى وهو انك ترمى نفسك فى حضن الشيطان عشان مش لاقى احن منه ومن اللى كنت فاكرهم اقرب الناس وأحب الناس وكانوا كل اهتمامك وأنت اصلا مش من ضمن إهتمامتهم ولا اصلا بتيجى على بالهم

فكلا يبكى على ليلاه .. أرجوك وأرجوكى كونوا أقوياء بإلهكم لانه الوحيد اللى مش هايخذلكم ثم تقوى بنفسك عشان لم تفوق على الصدمة والدنيا تنفض من حواليك بعد ما أخذوا اللى هم عايزينه منك وانتهى إحتياجهم لك بعد ما استنزفوك معنويا وجسديا وأنت خايف عليهم وبتفكر فيهم أكثر من نفسك ولما وصلوا لبر الأمان مش عايزينك فى حياتهم وهنا لازم تستقوى على كل الظروف فلاتقتلك ولا تهلكك ولا تطرحك فى التهلكة

والضربة اللى ماتقتلكش تقويك … وتخرج من التجربة اقوى وبسلام .

شاهد أيضاً

فن

المسلسل النحس.

الكاتب محمد مسعود مسلسل ذئاب الجبل كان حافلا بالأحداث التى توحي بأن النحس ضربه في …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.