جريدة الأهرام الجديد الكندية 
مقالات مشابهة
كريم محمد
ابو تريكة خلال الشهر ده له لقطتين( وهنا بقولك لقطتين تحديدا لأني بالصدفة شوفتهم لايڤ بعيني ) كل واحدة منهم تخليك حتي لو مش بتحبه غصب عنك تحترمه و تحترم رؤيته و أنه دائما ير الموضوع بعقله مش بـ هوا الموجة
اللقطة الاولي كانت ماتش تشيلسي و برايتون و في عز ما تشيلسي يعتبر عامل نتايج ايجابية مع مدربه الجديد جرهام بوتر و كسبان 3 ماتشات علي التوالي علي فرق زي (كريستال بلاس ، ولفرهابمتون ، استون فيلا )
وتعادل مع فريق عنيد زي برينتفورد و مع اليونايتد ، و هيواجه برايتون الفريق السابق لمدربه الحالي .
جالك ابو تريكة قبل الماتش ده قالك “فيه شهر عسل بين اي مدرب جديد و بين فرقته ” و بعتقد شهر العسل انتهي بين بوتر وبين تشيلسي و توقع تريكة هبوط كيرڤ و نتايج تشيلسي مع بوتر بسبب ان بوتر لسه مش قادر يفهم انه مدرب لفريق كبير زي تشيلسي بيلعب علي بطولة مش زي برايتون اللي بيتصنف فريق منتصف جدول
و إن لما تدرب فريق كبير لازم تكون فعل مش رد فعل زي ما كنت مع برايتون صحيح بوتر مدرب كويس لكن لازم يستوعب ان طريقته لازم تتغير مع تشيلسي عن ماسبق ويختلف اسلوبه مع تشيلسي عن اسلوبه مع برايتون .
( الكلام ده كان 28 أكتوبر تقريبا قبل ماتش برايتون وتشيلسي اللي كسبه برايتون 4/1)
اللقطة التانية بقي في ماتش قطر و الاكوادور قالك انا قلقان من تهوين البعض بخصوص قدرات منتخب الاكوادر القوي اللي بيملك لاعب من أفضل لاعبي خط النص في الدوري الانجليزي و باك محترم و مهاجم شرس و قلقت اكتر لما شوفت التسخين بتاع منتخب قطر ؛ فيه فروق واجب احترامها مينفعش نهون منها و فيه ظروف ماتش افتتاح واجواء شكلها مؤثر علي منتخب قطر والعكس بقي لعيبة الاكوادر اللي في الاحماءات ظهر عليهم الهدوء مع الجدية
كل الكلام ده كان قبل الماتش و ادينا شوفنا شكل الفريقين في الملعب والفروق الفنية و الشخصية ..انا مش من هواة التطبيل لأبو تريكة عمال علي بطال وبشوف انه اي تطبيل لتريكة مهما زاد بدافع الحب فـ تريكة اساسا مش محتاج لشئ يزوده .. لكن الوقعتين و غيرهم والله للي يركز بعقل مع تريكة المحلل هيتاكد أن اي احكام سلبية بتتقال في حقه بتكون بدافع حاجة من اتنين إما قلب أسود مش قادر ينسي اللي عمله تريكة زمان فيه داخل الملعب
او عقول بيضـا مييييح اتعودت تسمع البهلوان عفيفي مؤسس علم المدبوليستا و حنيكة ايمن يونس عقول غندورية اللي شكل معتقداتها الكروية مرتضي منصور فى برنامج زمالكاوي
