الجمعة , مارس 29 2024
الكريسماس

فشل موسم الكريسماس في مصر

جورجيت شرقاوي

ليه معندناش احتفالات شعبية في الشوارع زي معظم دول العالم ..الكريسماس مش حته شجرة لكن تجهيز ومعدات مخصصة للاضاءة و طرق للتزين و مواكب حتي الأن قمنا ببناء أكبر مدن زي العاصمة الادارية والعلمين الجديدة و لم يتم تصميم “بارك” بالكامل للترويج و دعوة مغنين كبار زي ماريا كاري اللي لفت العالم السنة دي في حفلات منطقة زي المنتزة بدل ما نعمر في حيطان و خرسانه ..

كان الاولي عمل تجمعات بتنظيم شعبي او تحت وزارة الثقافه و شركات خاصه و عندك إسكندرية كدة كدة بينزلو في الشوارع مع نفسهم و يكون فيه منتجع كامل مخصص للمناسبات زي كده فيها ايه لما يتعمل كارتات كبيرة بسانتا كلوز و شاشات و نخرج الناس من الحزن اللي فيها والقصة لا علاقه لها بالظروف الاقتصادية لانه فيه صرف شغال علي مؤتمرات ونفقات

ولا علاقه بالظروف الأمنية و برة بيتعمل احتفالات تنظيمية في الشوارع بتجذب كل الناس حتي لو مش معاها فلوس والأطفال بيحسو فعلا ببهجة لكن في مصر مفيش الا احتفالات فرعونية أو في سرح زي مكتبة الإسكندرية

وبالتالي هروب السياح لتركيا ولأوربا و دبي في موسم زي الكريسماس

احنا معندناش غير زايد والشيخ زويد و للاسف لم نصل للمستوي المطلوب من التجهيزات و لا ترويج بشكل محترف و معمول علي الضيق لسكانه وحفلات الساحل معظمها فاشلة ومعتمدين علي كام رقاصه ومغني ..

دي مش احتفالات كريسماس و لا تمت بصله و لا تصلح لاصطيحاب أطفالك يفرحو مجرد سبوبة لكن برة بيكون رموز زي ميكي ماوس و ديزني رعاه للحفلات و بتنجح جدا رغم بساطتها حنغير أمتى من أنفسنا ..

كل البلاد العربية حولنا بتتطور وأصبحت جذب سياحي هائل حتي القدس فيها احتفالات رغم الكرب

واحنا واقفين عند نفس النقطه وعندنا مشكلة فكرية مع الكريسماس..

جورجيت شرقاوى

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.