الثلاثاء , فبراير 27 2024
Banque Misr
بنك مصر

مصرية بالسعودية تكشف عن الكارثة التى قام بها بنك مصر” Banque Misr”

سردت المواطنة المصرية عائشة عبد القادر ما حدث معها بالسعودية أثناء قيامها هى وأسرتها بتأدية مناسك العمرة وما قام به بنك مصر من تجويع للمصريين وإهانة كرامتهم أمام الجنسيات المختلفة

وإليكم نص رسالة السيدة عائشة عبد القادر كما هى

أنا عايزه أحكى عن حاجة حصلت معى بس فعلا حزينة على اللى بيحصل.

كنت مع أسرتى فى العمرة والموقف كنت ذاهبة للكاشير فى مكة من اجل الدفع بالفيزا فوجدت عامل الكاشير يقوم بتبلغيى بأن الفيزا مرفوضة ! قلت يمكن بنك مصر فيه مشكله.

قمت بتجربة فيزا بابا لقيت نفس الكلام.

أتضايقت وكنت مكسوفه جداً جداً قدام الناس اللى واقفة ورحت ارجع الحاجة بتاعتى بنفسى وقدمت اعتذار . ومفيش ٥ دقائق الا والاقى أصوات ناس بتتكلم بالهجمة المصرية أن ازاى الفيزا بتاعتهم مش شغالة كلهم

واتضح للجميع أن فيه كده حاجة غير محترمة ( واسفة للكلمة بس ده أقل وصف ) ولا تليق

اتعملت وبدون سابق انذار أو تنوية.

اللى حصل ياسادة أن فى ال ٢٤ ساعة التالية كانت طوابير المصريين فى العمرة واقفين على كل ماكينات الصرف فى محاولات يائسة لصرف اى مبلغ من أجل شراء أكل و شرب على الأقل.

يعنى بلدك لا هي موفرة عمله تقدر تصرفها قبل سفرك كحق أى مواطن ولا هي سايباك ترضى باللى هيتخصم منك بس تقدر توفر الأكل والشرب وأنت خارج مصر!

ناهيكم عن كمية السخرية والشماتة من جنسيات كتير واقفة وأول مايشوفوا طابور يتقال دول مصريين علشان

( المعلومة انتشرت فى ساعات قليلة ) وبدا كل مصري فى كل فوج يسأل ويكلم ناس أنا أعمل أيه محتاج على الأقل فلوس أجيب عيش وجبنة ولن أحكى لكم عن عدد المسنين الواقفين فى الطابور ولا منظر ست عجوز قعدت تبكى

وتقول حسبنا الله ونعم الوكيل احنا نروح فين الأن واجيب تمن المواصلة للمدينة أزاى .

ولا موقف الأب ومعه أولاده كيف يستطيع توفير الغداء ليهم وهما جميعا مرتدين ملابس الاحرام

يعنى لسه مخلصين عمرتهم و بيدفع بالفيزا الراجل قاله مرفوضه الناس اتكلمو معه وفهموه كان هيتجنن يا جماعة

أنا لسه واصل مكة هو أنا لحقت أصرف أو اشترى!؟!

قالوله لو كنت دافع ثمن الفندق بالفيزا فده اتحسب تعامل خارج مصر وخلاص كده؟!!

ايه التهريج ده؟! فين حقوق الإنسان ولا فين كرامة الإنسان عند اى مسئول اللى هما نفسهم أصبحوا تجار عملة

وأقل موظف شغال فى بنك مسئول عمله دلوقتى عملة ثروه طائله الكام شهر اللى فاتوا؟

بالنسبة لى أول ما رجعت أنا سحبت فلوسى قفلت حسابى وده أقل رد على قلة الأدب اللى بتحصل وما تبقاش فلوسى وتعبى وشقايا وحد يتحكم فيها بمنتهى قلة الأدب كده وللعلم المبلغ مش قليل.

وكذلك والدى قفل حسابه.

معلش طولت عليكم بس اللى بيحصل مع المصريين زاد عن الحد وأنا بتكلم عن ناس محترمة طالعه بيت الله ويتم أهانتهم بالشكل ده

شاهد أيضاً

الكنيسة القبطية

رامي كامل ..التمثال … كيف نراه ؟

علق رامي كامل الناشط القبطي المعروف على وضع وإزالة تمثال الأنبا أنطونيوس بساحة دير الأنبا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.