الجمعة , مارس 29 2024
مينا مجدي
الشاعر مينا مجدي

مينا مجدي : نولت شرف كتابة أكبر وأعظم فيلم في تاريخ الكنيسة المصرية ” شهداء ليبيا”

نشر الشاعر مينا مجدي رد جديد على صفحته الشخصية بشأن حملة الهجوم التى يتعرض لها تنشره الأهرام كما هو فى أطار متابعتها لتفاصيل الحملة التى تتم على شاعر له الاف المتابعين

تفاصيل رد الشاعر مينا مجدي

اشاعات كتير بتتقال عني الفترة دي .. حبيت ارد عليها بمنتهي الهدوء .. علشان الحقيقة تكون واضحة للكل .. من أهم الإشاعات اللي بيستخدمها أعداء النجاح إياهم إنهم بيقولوا “مينا مجدي مبيكتبش غير للبنات .. والبنات الأندر إيدج كمان” .. ومع إن النقطة دي بالنسبة لي مش تهمة علشان انفيها لكنها شرف لأي كاتب وشاعر .. لكن الحقيقة إني بكتب للكل وعن كل حاجة .. طيب ايه الدليل ؟!_ كتبت أغاني لنجوم كبار .. نجوم ليهم تاريخ واسم .. علي راسهم الأسطورة “حميد الشاعري”

ومنهم “مصطفي شوقي ونبيل ووائل عامر و غنوة الله يرحمها “اخت انغام”

والمفاجأة ان مفيش اغنية فيهم رومانسية .. كلها أغاني اجتماعية عن مواضيع عامة_ تقريبآ أنا واحد من أكتر الشعرا الأقباط اللي كتبوا ترانيم ناجحة جماهيريآ .. وكتبت لأكبر مرنمين الكنيسة .. “زياد شحاتة – ساتر ميخائيل – سارة معروف – ماريان اسكندر – مريم حلمي – صموئيل فاروق- مريم بطرس- مارفي صموئيل – نعمه اسحق” وغيرهم كتير .. ده غير أني كتبت معظم الترانيم لأكبر فرق الترانيم علي الساحة “مارافرام السرياني – اغابي”_ صدر ليا ٦ كتب

مينا مجدي
الشاعر مينا مجدي

منهم كتابين اشعار روحية دينية “انا لحبيبي – بنت الملك” و ديوانين شعر “شريط كاسيت – شهرزاد” و كتاب ساخر اتحول لمسرحية فيما بعد “الإهتمام مبيتطلبش” .. وكتاب من أكتر الكتب مبيعآ في المكتبات العربية “٣٦٥ رسالة لكل يوم”

والجدير بالذكر إن ديوان شريط كاسيت واحد من أنجح وأفضل دواوين الشعر اللي صدرت في السنين الأخيرة بشهادة واحد من أكبر كتاب مصر

القدير “عمر طاهر”- بجانب ظهوري في معظم القنوات المصرية .. عملت برنامج خاص بيا وكان ليا شرف الإعداد والتقديم .. برنامج اسمه “قصة حب” كان بيناقش مجموعة من اشهر قصص الحب في الكتاب المقدس واتعرض علي قناة sat7 وأن شاء الله قريب هيكون له مواسم تانية_ مع النجاحات اللي وصلتلها في الشعر .. قدرت اتجه لشكل تاني في الكتابة

أسست فريق مسرح “فريق الاستيدج” وكتبت عروض جماهيرية كان أخرها مسرحية “العيال توكسيك” اللي كان ليها رد فعل كبير واتكتب عنها في معظم الجرايد والمواقع الإخبارية

والأهم إني نولت شرف كتابة أكبر وأعظم فيلم في تاريخ الكنيسة المصرية

مينا مجدي
الشاعر مينا مجدي

فيلم “شهداء ليبيا” .. الفيلم اللي هيخرج للنور قريب وهيكون فيلم إنساني عالمي بشهادة بطرك وأساقفة الكنيسة الأرثوذكسية .. ده غير فيلم تاني مفاجأة تم الانتهاء من كتابته وهيتم الأعلان عنه قريبآاتمني تكون الصورة وضحت ..

شاهد أيضاً

الحكومة المصرية

الحكومة توافق على إنشاء مؤسستين عقابيتين بمدينة مايو

وافق مجلس الوزراء خلال اجتماعه اليوم برئاسة الدكتور مصطفى مدبولي، على قرار بشأن تخصيص مساحات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.