الثلاثاء , يناير 31 2023

مواطنون يتحدون السيسى لو عايز فلوس المليارات قدامك أهو .

السيسى 6

 

الأهرام الجديد الكندى
نشر النشطاء روشته للمشير السيسى يشرحون له فيها أذا يجيب مليارات الجنيهات منها تحت عنوان “علشان محدش يبرر طريقة الجباية اللي مارسوها المماليك زمان وبيمارسها مماليك اليوم .
عاوز تعرف تجيب فلوس منين طب تعالى وأنا أقولك بص يا عم الحاج
1- الأسمنت لو عملت عليه ضرايب 10 أو 15% يجيب لك 20 مليار جنيه فى السنه
2- الحديد زيه تمام بياخد دعم طاقة وبيبيع بأغلى من الأسعار العالمية يا تشيل دعم الطاقة يا تحط ضرايب 10% وده كمان هيجيب أكتر من 20 مليار جنيه فى السنه
3- ممكن تعمل إعاده هيكلة لمنظومة الأجور فى مصر بحيث يتم ربط كل الموظفين بالدرجة الوظيفية بدون إستثناءات علشان الموظف ده فى وزارة غنيه والتانى فى وزارة فقيرة
4- إلغاء منظومة الدعم على مطاحن الدقيق ونقفل سبوبة حيتان المطاحن
6- ترشيد الصناديق الخاصة فى المحافظات والوزارات بحيث تدخل ( تدريجيا ) فى الميزانية العامة
7- قفل سبوبة هيئة الجودة الموجودة فى كل الوزارات بدون فائدة وبيتصرف عليها مليارات إحنا شايفين النتيجة فى جودة التعليم والصحة والتعليم العالى وغيرها ودى كلها فيها هيئة للجوده
8- تقليل أعداد ومكافأت الإختراع اللى إسمه الخبراء والإستشاريين وبيقبضوا ملايين الجنيهات
9- ما يسمى ب ( الكارتة ) على كل الطرق فى مصر وبيتم توظيفها وتوزيعها فى صيغة مكافأت وهدايا من أول المحافظ لغاية أصغر موظف فى مشروع الكارتة
10- إعادة هيكلة منظومة صناعة وإستيراد السماد والكيماوى فى مصر
11- الجمعيات الزراعية الممتدة فى كل قرى مصر ولديها رؤوس أموال لا يتم توظيفها فى خدمة الفلاحين ممكن تشيل كتير عن الدوله فى مسألة دعم الفلاحين
12- إنشاء مصانع لتصنيع الأسماك بالقرب من البحيرات والشواطىء ( بحيرة ناصر – البردويل – المنزلة …………. ) بما يخلق عماله وإكتفاء محلى وتصدير
وممكن نكمل كتير قوى والفلوس كتير فى البلد بس أنا مش هقدر أتقشف عشان بقالى 35 سنه متقشف

 

شاهد أيضاً

Hany Sabry

ما هي شروط الترشح لمنصبي رئيس الطائفة الإنجيلية ونائبه ؟ ومن لهم حق انتخابهما ؟

هاني صبري – الخبير القانوني والمحامي بالنقض قرر المجلس الإنجيلي العام فتح باب الترشح على …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

كازينو 888 الكويت