جريدة الأهرام الجديد الكندية 
مقالات مشابهة
عمرك فكرت ليه الناس في الغرب بيزوروا متخصصين علاقات ( Couple Therapist ) ومستشارين حياة زوجية ( Marriage Counselors ) أو عالم نفس ( Psychologist ) ؟؟ تفتكر دي رفاهية مثلا أو فلوس زيادة؟؟! بالطبع لا، الإجابة بإختصار لأنهم مؤمنين بالتخصص و متأكدين إن مفيش حد بيفهم في كل حاجة عملا بمبدأ ( إدي العيش لخبازه).
العلاقات العاطفية أو الزواج دايما بيظهر فيها مشاكل و ده طبيعي جدا في
( كل مكان و كل أسرة) و أحيانا كتير بتبقي مشاكل هبلة في التواصل مثلا ( Communication issues ) و لكن فجأة تلاقى المشكلة تفاقمت و وصل الأمر للإنفصال أو الطلاق رغم عدم جدية الأمر!! ليه ؟؟ ببساطة لأن الناس بدأت تتشبع بفكرة ” throw it away ” أو “إرمي اللي يبوظ برة” و دا بسبب إننا عايشين فى عصر السرعة و زمن هيمنة الصين في الصناعة و توفير منتج رخيص يمكن استعماله و لما يبوظ ارميه
و تسللت الفكرة دي للأسف للعلاقات نفسها فالناس خلاص بقى ماعندهومش خلق “يصلحوا اللي باظ” و أسهل خيار مطروح علي طاولة الأزواج هو الإنفصال أو الطلاق حتى من غير ما يفكروا يحطوا أدنى مجهود للإصلاح!! و بسبب مبدأ
( إرمي برة) ظهر عامل أكثر خطورة علي العلاقات و هو البقاء في منطقة الراحة ( Stuck in the comfort zone ).
البقاء في منطقة الراحة معناه ببساطة عدم وجود رغبة حقيقية في التغيير أو النهوض أو الإصلاح سواء على المستوى الشخصي أو العملي أو في العلاقات و للأسف يترتب عليه التمسك بفكرة “إرمى برة” و طرد أي فكر يؤصل للتفكير في إيجاد حلول.
و للحديث بقية؛
