الأربعاء , فبراير 28 2024
رامي كامل

التراكم … كيف نفهم اختفاء القبطيات ؟

شوف يا عزيزى القارئ ، لو حضرتك من انصار مخطوفة و ناس حطوها فى ميكروباص و خدروها فالكلام ده مش لحضرتك ومش حيعجبك وانصحك شوف اى حد تانى يشبع اوهامك.

أما لو أنت انسان طبيعى زي اى حد بيشغل مخه فنفكر سوا فى الكلام ده فى شوية حاجات و نخضعها للمنطق.

١- هل حضرتك كإنسان طبيعى بتقوم الصبح تغير دينك زى ما بتغير الطقم اللى عليك ؟

أنا شايف أنه لا و أن تغيير العقيدة محتاج ظروف كتير ودوافع كتير ممكن يكون أخرها اقتناعك بالعقيدة اصلا يعنى يكون ظروف مادية أو نفسية أو وضع قانونى زى الأحوال الشخصية أو غيرها من الظروف اللى اخرها أن حضرتك تكون باحث لأن معروف أن أغلب المصريين الثقافة مش فى اولوياتهم بس طبعا اول ما يغير عقيدته بيطلع علامة

و دارس بره وجوه وهو اصلا مبيعرفش يفك الخط.

٢- هل الاسرة جزء من الموضوع ؟

اى محاولة لاستبعاد الاسرة “اى أسرة مش حالة بعينها” بتبقى كأنك بتفترض أن الشخص ده بيعيش فى الفضاء لأنه طبيعى يافندم عنده أسرة و الأسرة دى بتحتوى الشخص و بتحتوى متغيراته النفسية او بتدمر الشخص وتسئ له و تساهم بقوة فى قرار تغيير دينه.

٣- هل الكنيسة جزء من الموضوع ؟

الحقيقة أن الكنيسة هى لب الموضوع والكهنة الأقباط هم الأكبر مسئولية وفى ظل كده تعالى حضرتك نشوف ثقافة الكاهن القبطى فى المسيحية سنجدها شبه معدومة لأن هو اما وارث الكهنوت وعائلته سند له ولها أقرباء كهنة

وأساقفة فبدل ما يقعد عاطل عملوه كاهن وهو ولا يفقه شئ أو كاهن موظف استلم طقس وبينفذه وده على حسب فلوسكم أو كاهن كانت شهوته الكهنوت وهى مشروع عمره و تملق ومسح جوخ واطاع الأسقف فى الكبيرة

و الصغيرة فرسمه ودول بقى ٩٠٪ من الكهنة و هذه الأنواع مع أول سؤال يقوم بسأله شاب فى المسيحية يسقطوا فى الاختبار.

عندك منهج مدارس الأحد واعداد خدام عقيم لا يوجد به لاهوت دفاعى فالخادم طالع بيضحك ويلعب بس نسبة تأسيس عقيدى صفر و الاسئلة بتكتر و الاحراج بيزيد .

واخيرا بقول لحضرتك ان ده كله اسمه التراكم اللى بيخلى الأسباب تتراكم فوق بعضها وتخرج لنا حالة تترك منزلها وتمشى فنخرج ونقول مخطوفة و يخرج ناس أخري تأخذ الموضوع مكايدة و استرزاق ويلقوا بالبنزين على النار من أجل جمعيات الخليج ترميلهم شوية بترودولار.

أنا من ١٨ شهر من ساعة خروجى من سجنى خدمت وتابعت حوالى ٦٥ حالة منهم رجع بعد أيام حوالى ٣٥

ومنهم رجع بعد شهور و الأن أقدر اقولك أن ٩٠٪ من الحالات بترجع بعد مدة لما الظروف تهدى وتفكر فى أنها باختيارها فقدت كل شئ ومقدرتش تعوضه فبترجع.

صدقونى فى حالات كتير جدا لغلابة حضراتكم مش محموقين عليهم علشان مش معروفين و مش من اسر غنية

و متعلمة يعرفوا يعملولهم حملات فيسبوك… بس ربنا قوانا و رجعوا ومنهم كتير على صفحتى هنا ومنهم اللى اتخدم من غير ما يعرف مين اللى خدمه.

الملف ده محتاج عقل ومنطق وكل حد يتحمل مسئوليته ومش كل حاجة تبقى اتخطفت لأن فعليا مفيش حالات خطف جنائى ، فيه تغرير استهداف بس ٩٠٪ من الأسباب بداخلنا مش من خارجنا وأتمنى أن نفهم ونطور أنفسنا

و نعالج خطايانا بدل الشماعات الجاهزة.

شاهد أيضاً

ش .. ش .. كو.. كو والأراجوز ورد عليه ، فل عليه

بقرية العزبة بسقاره فى ليل القاهره الساحر ومع الشاعر الكبير احمد فؤاد نجم قدمت برنامج …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.