الثلاثاء , أبريل 23 2024
الكنيسة القبطية
الدكتورة سالى نسيم

بطرس القمص ميخائيل ومعلومات تنشر لأول مرة بخصوص الدكتورة سالي نسيم

نشر شخص يدعي بطرس القمص ميخائيل على صفحته الشخصية معلومات فى غاية الأهمية عن الدكتورة سالي نسيم وعن أسرتها تنشر لأول مرة تحت عنوان رسالة موجة إلى أبناء القاهرة وليس كوم أمبو

ها هى تفاصيلها

كلامي موجه لأصدقائي من القاهرة وليس كوم أمبو لأنكم أكيد تعرفوا ما سأقوله جيدا ،بكل أسف انتشر فى الفترة الأخيرة اراء وكلام مغلوط تماما فى موضوع الدكتورة سالي نسيم وكالعادة ظهر أبو العريف الذى يمتلك الحقيقة وحده والحقيقة المطلقة .. وظهر محبي الشو وكله عاوز يشتهر ويصبح تريند ومعروف ولو على حساب الجميع ويضغط على أوجاعهم المهم هو أنه يصبح ملىء السمع والبصر

هذه شهادة حق كثرة الكلام عن دكتورة سالي نسيم وعن أسرتها وعائلتها فى الفترة الأخيرة والبعض سن سكاكينه و يقطع ويشفي فى الناس .. حرام عليكم .. الناس دى مش بأسمع عنهم

هما جيراني في بيت والدي الله ينيح روحه واعرفهم تمام المعرفة فرد فرد من عائلتها

بيت جدها لأبوها وجدها لأمها جيرانا وبالتالي أعرف والدها وامها وأعمامها وعماتها وخالتها وخلانها

ولي علاقة ممتازة بهم وعشرة ومحبة من سنين طويلة صدقوني الناس دى من احسن الناس

وأفضلهم وعائلة عمرنا ماسمعنا عنهم ولا شفنا منهم حاجة وحشة

الناس دى ناس محترمة وليهم مكانتهم فى المجتمع وعائلات كبيرة لها اسم وسمعة طيبة

وأغلبهم خريجي جامعات وكليات مرموقة ، وأغلبهم خدام فى الكنيسة ولهم العلاقة الحلوة جدا بربنا وبالكنيسة

ومثلما أخبرتكم مثل ذلك كتير من عائلتها كانوا من اولاد المتنيح أبونا ميخائيل موسى الله ينيح روحه فى الإعتراف

أرجوكم لا تصدقوا أى كلمة وحشة عن الناس دى وخاصة كل اللي كتب وغلط أساسا مش من كوم أمبو ولا يعرف حد منها .. أحد النشطاء كتب وقال إنها عملت كده علشان تكسر خالها الكاهن وجوز اختها الكاهن أيضا

يابني جهل .. ياجهبز زمانك وحكيم عصرك واوانك يا من تمتلك الحقيقة وحدك وياسلام عليك ياواد جبت التايهة اللي ماحدش يعرفها غيرك .. حقيقي ابهرتنا بغبائك

أولا خالها ليس كاهن أساسا .. خد المعلومة بقى اللى تثبت جهلك

هى لها ثلاثة أخوال وكلهم جار ورجال أعمال وكان لها خال رابع توفى فى حادث سيارة من أكثر من ٣٠ سنة

وكان تاجر برضو .. وفي كوم أمبو والصعيد القيم والأخلاق والمبادئ والأصول مهما حصل مفيش واحدة بتعمل حاجة هدفها تكسر أبوها ولا خالها ولا عمها .. ابدا لا يمكن .. تكسر سندها بعد ربنا

طيب وبتقول أن جوز اختها الكاهن بيسيطر عليها .. طب ليه !! اديني امارة تخليه يجروء يعمل كده

أولا دى مش عيلة صغيرة علشان يسيطر عليها وسنهم قريب من بعض فكيف سيفعل ذلك !! وكيف سيسطر عليها وأبوها وامها عايشين ومن سيسمح بذلك وتفتكر مجرد أنه جوز اختها يستطيع أن يسيطر وينكد على

حياتها مع واحدة متعلمة تعليم مرموق ولها شخصيتها وفى وجود والدها وأمها

ولا هدفك تضرب وتشكك فى الكهنوت وفى العائلات .. ناس بتقول أبوها قال كذا واختها قالت كذا فى مداخلات ومطنش المفروض يقولوا كده فعلا اللي على الشط عويم

ارجوكم قبل ماتقصوا وتحكموا على الناس ياريت تعيشوا أوجاعهم وظروفهم

الناس دى بتموت كل لحظة وكل دقيقة .. الناس دى حياتها انقلبت جحيم فى يوم وليلة .. الناس دى كانت عايشة حياة مستقرة وناجحين فى عملهم ولهم السمعة الحسنة وفجأة كل حاجة تغييرت لمرار والم وضيق

أرجوكم قبل ما كل شخص يتحدث وهو جالس فى بيته أرجوكم قدروا ظروفهم وقدروا الوجع اللي هما فيه

فجأة بنتهم اللى ربوها و بيفتخروا بها الدكتورة تروح منهم .. مرار ما بعده مرار .. وناس تغلط فى أهل كوم أمبو وكهنة كوم أمبو فأن بسألهم أنتم تعرفوا حاجة عنهم تعاملتم معهم قبل كده ؟

أنا مقيم فى القاهرة من ٣٠ سنة وقابلت ناس كتير وكهنة كتير وخدمت فى كنائس كتير كلهم بركة ولكن صدقونى لم أرى أفضل من كهنة كوم أمبو ولا افضل منهم ولا افضل من ناس كوم أمبو وبقول كده من أجل أنها بلدي

لا كوم امبو واهلها يعني القيم والمبادئ والأصول والرجولة والشهامة واظن أنتم تعلمون ذلك وظاهر فى موضوع دكتورة سالي نسيم والبلد كلها على قلب رجل واحد الجميع يصلي وحزين لأجل هذا الأمر

الجميع يرى أن الموضوع يخصه ملحمة حب .

كهنة كوم امبو اتقياء امناء بيخدموا بأمانة وان كان هناك بعض الضعفات الشخصية ولكنها بسيطة لا تذكر لأننا بشر فى النهاية وبعيدة تماما عن الإيمان والعقيدة والدليل على مدار عشرات السنين عمركم سمعتم عن أى مشكلة فى ايبارشية أسوان

أما من يتحدثون عن نيافة الأنبا بيشوي أسقف أسوان .. الله يعينه ويسنده بيمينه ويقويه .. أسقف جديد وانفجرت فى وجه قنبلة كبيرة فى بداية خدمته فهل أحد رأى دموع الأنبا بيشوي وهو بيصلي لبنته سالي نسيم فى لحن چي ناي نان فى القداس .. ولا الحاجات دى ما بتخدوش بالكم منها

أقوياء فقط فى النقد والفضائح وألصاق التهم بالآخرين .. تعرفوا التعب والمجهود اللي بذله الأنبا بيشوي فى الموضوع ده .. طيب تعرفوا كم الضيق والألم اللي هو فيه على بنته

رسالة لكل شخص يدعي أنه يملك الحقيقة هو وحده دون غيره ولكل من سن سكاكينه وقطع وشفى

حرام عليكم ..قولوا كلام طيب يعزي ويطبطب ويشجع يا تصمتوا احتفظوابمعلوماتك لأنفسكم الله يكون فى عون دكتورة سالي نسيم وعون أسرتها .. ربنا يقويهم على التجربة الصعبة

ربنا يسندهم بيمينه .. ومهما قيل انتم محبوبون عند ربنا وعند الناس وسالي نسيم مهما حصل بنتنا وحضن ربنا مفتوح لها فى كل وقت وأبواب الكنيسة وقلوبنا مفتوحة ليكي فى كل وقت ي

ومهما حدث أنتى بنتنا وبنحبك وصدقونى الأيام ستثبت لكم فى لغز فى الموضوع فى حاجة مش مفهومة

ده رأيي اللي مقتنع به تماما .. ارجوكم صلوا كتير لأجل سالي نسيم وأسرتها ربنا يسندهم بيمينه ويفرح قلوبنا قريب بعودتها يارب .. واخيرا نتذكر قول قداسة البابا شنودة الثالث ” اٍن كنت لا تستطيع أن تحمل عن الناس متاعبهم، فعلى الأقل لا تكن سببا في أتعابهم ”

شاهد أيضاً

أونتاريو تعلن موافقتها بشأن الرسوم القانونية في قضية برنامج الدخل الأساسي

كتبت ـ أمل فرج  أعلنت حكومة أونتاريو مواقتها على سداد 320 ألف دولار، كرسوم قانونية …

2 تعليقان

  1. اسحق الراهيم

    اخيرا حد قال كلمة عدل
    فعلا ناس كتير استغلت الموضوع لمصالحها الخاصة

  2. أتفق معااك ان أهلها محترمين جداً. لكن استغرب من قولك :

    >>> ” أقوياء فقط فى النقد والفضائح وألصاق التهم بالآخرين ” <<<<<
    فهذا من اساسيات اخلاق غالبية الارثوذوكس و يعرفه الكل عنهم.
    و كمان أضف لهذا ادمان الكذب و المعيله والسجود لمن يذلهم.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.