الثلاثاء , مايو 28 2024
صوم العذراء
العم عادل فايز

بالعقل كده

بقلم /عصام الجوهري

الى المشككين والمتزعزعين ..احنا في مصر والمعجزة حصلت في اكتر حتة شعبية في مصر في عزبة النخل الزرايب واللي ميعرفش المنطقة انا اقوله حواري ضيقة وبيوت متلاصقة وبشر يعيشون تحت جلد بعض يعني كل واحد عارف تفاصيل التفاصيل عن جاره وجار جاره والاستاذ عادل فايز اللي حصلتله المعجزة عايش في المنطقة من سنين وعايش علي الكرسي المتحرك وبيروح للدكاترة بيه وبيروح الكنيسة بيه

وبيطلع فسح ورحلات بيه واكيد بيعدي علي جيرانه المسلمين اللي بيقفوا يساعدوه علشان يحطوه في عربية أو ينزلوه منها وجيرانه المسيحيين اللي كانوا في الكنيسة وكانوا بيحضنوه وقت حدوث المعجزة اكيد عارفين أنه مريض واكيد لو الأمر خدعة وتمثيلية اكيد في حد عنده ضمير هيقول الحقيقة ويفضحه أو أن حد حتي ببكره عادل فيقول الحقيقة وبرضو يفضحه أو بيكره ابونا أو الكنيسة فيقول الحقيقة ويفضحهم اي حد متشكك بسيطة حضرتك

لو قريب من العزبة خصوص مرج أو نواحيها توكتوك ب 20 جنيه يوصلك المنطقة وافتح كاميرا الموبايل بتاع حضرتك وسجل الفضيحة مع الجيران بسرعة لو حضرتك من برا المنطقة اركب المترو الخط الاول حلوان المرج وانزل محطة عزبة النخل توكتوك ب 5 جنيه هيوصلك المنطقة واعمل زي اخوك وانزل باللايف الامر صعب على ناس كتير

ظنت أنها نالت من المسيحية بشوية التهجيص أو نالت من الكنيسة الأرثوذكسية مستغلة حالة الضعف والتشويه فكانت صدمة بالنسبة لهم موضوع المعجزات دي كده هيفضل المسيحيين الأرثوذكس مؤمنين يا حرام وضاع تعب الأيام والشهور والسنين في ناس لن تؤمن وأن آمنوا أنها حصلت هيقولوا وراها الشيطان أو عامل نفسي

أو أم الخلول المهم مش المسيح اللي عمل كده تخيل أنهم عملوا كده مع المسيح ذات نفسه “أَمَّا الْفَرِّيسِيُّونَ فَلَمَّا سَمِعُوا قَالُوا: «هذَا لاَ يُخْرِجُ الشَّيَاطِينَ إِلاَّ بِبَعْلَزَبولَ رَئِيسِ الشَّيَاطِينِ».” (مت 12: 24)فعادي يا سيدي احنا مش افضل من سيدنا يعني الناس دي يفكروني بانك تنكر حاجة كل الناس شايفاها وعارفها وتفكر انك الوحيد الصح وتقول ( ولكن شبه لهم)

شاهد أيضاً

الكنيسة القبطية

بابا الإسكندرية وأسقفها يُحيي مجد نِقْية

ماجد سوس انعقد مجمع نيقية في عام ٣٢٥ م بطلب من بابا الإسكندرية، بعد طلب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.