الثلاثاء , مايو 28 2024
سهير مجدي

رزق الهبل على المجانين

بقلم / سهير مجدي

لما بشوف اللي بيحصل في اليلد بتأكد إننا بنمر بأزمة حقيقية.

مش أزمة أقتصاد ولقمة عيش فقط… لأ دي أزمة أخلاق .. أزمة ذوق… أزمة ضمير. أزمة في كل شئ وكأنها خطة ممنهجة إن الشعب ده يدخل غيبوبة.

ووسط ما نحن في الغيبوبة لسه فينا نفس نقول نكت ونتريق على خيبتنا.

لما يكون العنف طول الوقت في الأعمال الفنية يبقى هنطلع جيل شكله كيوت مثلآ ولا هنطلع بلطجية لما يكون الإعلام دخله السوس وأكل مهنيته وأصبح شغله الشاغل عرض التفاهات وتصدير نماذج غريبه ويطلعوا ترندات وعلى رأي المثل رزق الهبل علي المجانين الحق في واحد بيرقص كرشه هاته نعمل معه لقاء

والناس تجري تتصور معه! اه طبعآ ده عمل إنجاز.. ومكسب من الهوا يبقى تعليم إيه ووجع قلب وسهر الليالي وطاحونة الآباء علشان ولادهم ياخدوا أعلى الشهادات وهنا واحد مش عارف يقول كلمتين على بعض هاته نضحك شوية ونعمل كمان لقاء ومتقلقش الناس هتعد مشاهدات واخر متعرفش مين طرده وغيره وغيره كتير من الهيافة والأسم إعلام !

وعجبي هو ده الجيل اللي ينحارب الزمن علشان نطلعه للدنيا ؟ هو ده الجيل اللي هيحمي البلد وينهض بيها؟!

هو ده الجيل اللي طلع ينادي بالتغيير أي تغيير هنحصل عليه من كل اللي بنصدره ل اولادنا.

إحنا بنرتكب جريمة بس للأسف لا يعاقب عليها القانون لكن هيعاقبنا كلنا عليها التاريخ.

عايز تضرب شعب أضرب عقله … دمر مبادئه… ااقلب الحقايق واخلط الصح بالغلط هيتوه ووقتها هنسوق القطيع .

قولتولي إحنا مصنفين الكام في التخلف؟؟؟

شاهد أيضاً

الكنيسة القبطية

بابا الإسكندرية وأسقفها يُحيي مجد نِقْية

ماجد سوس انعقد مجمع نيقية في عام ٣٢٥ م بطلب من بابا الإسكندرية، بعد طلب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.