الإثنين , مايو 20 2024
صوم العذراء
العم عادل فايز

لأول مرة نجل عادل فايز صاحب معجزة العذراء يتحدث “احنا مش ملايكة ولا شياطين”

تنفرد الأهرام الكندي بنشر ما كتبه نجل العم عادل فايز حول معجزة العذراء مع والده ليرد على من صدق أو كذب المعجزة قائلا

سلام لحضراتكم جميعا. حابب اوضح عدة نقاط لجميع من سيري هذه الكلمات إذا كان مسيحي أو مسلم

أولا أنا أسمي سامر جرجس فايز ابن الاستاذ عادل فايز صاحب معجزة العذراء.

مع العلم انه في الحكومة جرجس والشهرة عادل فايز أنا التزمت الصمت من ساعة ما ربنا اراد بهذا العمل ومنعت انى اتكلم مع أي جريدة او مدخلات تلفونية او أي حوار صحفي او حتى اي فويس .

لأن أنا شايف من وجهة نظري أن كتر الكلام يفسد العمل الحقيقي وهو مجد اسم الله.

لأن الموضوع كان أمام الجميع وهو ليس فى حاجة لخروجي وتحدثي فى الأمر ، وكثيرون دعوني فى كنائس حتى أتحدث على ما حدث وكان الرد أن مجد الله مع كل الناس مسلم ومسيحي لأن الله يعمل مع الجميع

مجد اسم الله موجود من قبل المعجزة واى معجزة .. ورفضت طبعا وبابا لما طلع وسجل كان بارشاد من أب إعترافة

والأن هو رافض عمل اى حوار مع اى وسيلة إعلامية … والموضوع يشرف عليه نيافة الأنبا سيداروس أسقف عام كنائيس عزبة النخل.

لكن الموضوع أخذ طريق تاني خالص فى يوم وليله وجدنا أنفسنا مثل الملائكة وفى يوم وليلة وجدنا أنفسنا شياطين

ونحن ولا هذا ولا ذاك نحن بسطاء نعيش كباقي البشر) لنا ما لنا وعلينا ما علينا و فى ناس مؤيدة ومعارضة ناس مع وناس ضد وأصبح هناك أشخاص يدخلون فى أمور شخصية لمجرد أنها تقول رايها وتعمل سبق صحفى على الموضوع ويصبح لها رأي وصوت إذا كان مؤيد او معارض والكل نسي أن هناك أسرة وعائلة تعيش جو غريب ووجدنا أنفسنا أمام أمور غريبة ومش عارفين ماذا يحدث ؟ صور شخصية وعائلية خرجت فجأة أنا شخصيا معرفهاش ومش موجودة معي وأشياء غريبة جدا – كل ما أعرفه أن الله نظر إلينا بعين الرحمة

بعد تعب سنين كتير مش بس لبابا لالا دا لكل الأسرة وماما أكتر واحدة لأنها فعلا تعبترجدا وعاشت أيام مؤلمة ومهما اتكلم لن أصف تعبها

وبشهادة كل الناس اللى اتعملوا مع بابا مسلمين قبل مسيحيين وعاشوا معه وهو جالس على الكرسي سنين وأمنوا أيضا إن الله يستطيع عمل حدث ومعجزات من أجل الشفاء الجسدى وهى دى المعجزة الحقيقية.

لأن الله يهتم أولا بشفاء الروح والنفس رسالة للحميع يعلم الله ان حزننا أكبر بكتير من فرحتنا بشفى بابا وقولنا ان ربنا سيعوضنا كتير بالسنين اللى احنا شوفتها.

لكن للأسف ضاعت فرحتنا وسط الزحمة والكلام الكتير

رجاء محبة … كفايا كلام عايزين نشوف حياتنا وشغلنا وكفايا تليفونات وكفايا كلام على شبكة الأنترنت

رحاء أنا مش عايز تعليق من اي حد . حضرتك مؤيد خير وبركة الله سيعمل معاك بحسب قلبك

حضرتك معارض خير وبركة بردة والله سيتعامل معاك بحسب عقلك لكن افتكر ان في ناس عايزين يعيشوا فى هدوء الله يعمل فى الجميع فى كل وقت وكل عصر

شكرا لحضراتكم جميعا ً

شاهد أيضاً

الحكومة الكندية تعلن عن خطة حكومية لمكافحة ظاهرة سرقة السيارات

كتبت ـ أمل فرج أعلنت الحكومة الفيدرالية عن خطة العمل الوطنية لمكافحة سرقات السيارات، تتضمن …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.