الأحد , فبراير 25 2024
أخبار عاجلة
الكنيسة القبطية
معاذ عليان

المحامي والباحث سعيد فايز يرد على معاذ عليان حول معجزة السيدة العذراء بعزبة النخل

بعث المحامى والباحث المعروف سعيد فايز الحاصل علي الدكتوراة من جامعة اسكندرية والمهتم بحقوق الأقليات الدينية برسالة إلى معاذ عليان حول معجزة السيدة العذراء مع العم عادل فايز قائلا

معاذ عليان ومعجزة العذراء بعزبه النخل

هو رافض فكرة المعجزة ويري أنها تلاعب و نصب و كدبة كبيرة وكل هذا الكلام ( وفي دي هو حر دي قناعتك وافكارك ) وعلشان يبقى الكلام واضح أنا شخصيا لا مع ولا ضد المعجزة لأن اقتناعي الشخصي أن المعجزة مثلة شخصيا للإنسان اللي تمت معه المعجزة

يعني عم عادل فايز كان مشلول الحمد لله مشي بمعجزة بالعلاج بمكنة ياباني الف مبروك يا عم عادل فايز انا كسعيد مش مستفيد حاجة شخصية ..طيب فين المشكلة ؟

المشكله كالعادة في فهم كل الناس اللي مثل معاذ عليان وأنهم داخلهم مصممين على قياس الايمان المسيحي على أفكار الايمان الاسلامي – وبشكل مبدائي شكرا جدا يا معاذ عليان أنك خليت المسيحين يصدقوا أن في اختلاف كبير بين العقيدة المسيحية والإسلامية لأنهم كانوا فاهمين أن الاشتراك في المبدأ الاخلاقيه يخلينا تقريبا مشتركين في افكار الايمان والكلام ده مش أول مره يحصل أنا هصدمك وهصدم المسيحيين نفسهم لما تعرف أن المسيحيين المصريين قاعدوا يتعاملوا مع الإسلام ٦٠٠ سنة من وقت عمر بن العاص لحد لما تم اجبرهم يتحدثون عربي على

ان الإسلام مجرد ملة أو طائفة مسيحية زي نسطور واريوس حد فاهم أن الإسلام دين مختلف اساسا ولما اتعلموا عربي – طب ايه المختلف واللي معاذ عليان مش هيقدر يفهمه ؟

أن المسيحية من ضمن أفكارها ( الرعاية والتبني ) يؤمن المسيحين أن الله تبارك اسمه يتدخل ويرعى ويلاحظ ويرتب حياة كل مؤمن بشكل شخصي بعد أن حولنا من عبيد مصيرهم الموت لأبناء لهم حياة وده جزء شخصي جدا لاختبار المسيحي في حياته مع الله علاقة بتقوم على اني ابن وليا حقوق عند ابويا وكل يوم بشوف عمله وايده في حياتي .

لو قعدت مع مسيحي يا معاذ عليان قولتله كلمني عن عمل الله في حياتك هيقعد يقولك مواقف واحداث كتير قدر يشوف فيها الحماية الإلهية و ايد الله اللي بتسند ويمين الله الذي يصنع قوة ويخلص من افواة الاسود

( وخد بالك هو هيقولك اختبار شخصي ولك كل الحرية انك تقبل وتصدق أو ترفض وتنكر لأن في الاخر هو اللي اختبر مش انت ) في بداية ظهور الإسلام طب الكفار من النبي طبقا للرواية الاسلاميه أنه بما أنه نبي يعمل معجزة فكان الرد أن المعجزة اللي جه بيها هي القرآن طيب صحي الميت ده لا طيب اشفي الست دي مش بتعتي طيب اضرب الصخرة هات لينا مياة برضوا لا انا معجزتي في اللغة ..نبي الاسلام نفسه مقدرش ينكر معجزات اللي قبله ولا يقول انها محصلتش هو قال انا مختلف

زي ما المسيحيين مختلفين بالظبط وعلشان تفهم اختلافهم لازم تعيش كلامهم مش تقراء في كتاب أما اصرارك على نفي المعجزة علشان بس تثبت أن ايمان المسيحين غلط فأنا قادر أفهمه لأن ده جزء مش موجود عندك في ايمانك واي بائع شاطر وهو بيقدم سلعة لازم يقول إن سلعته فيها كل اللي في باقي السلع التانية وأفضل كمان ودي حكاية انت متقدرش عليها

ارجع و اقول بتأكيد بعيد عن غضب البعض فكرة المعجزة مش ظهور ولا ميت يقوم فكرة المعجزة هي حالة المشاركة للسماء والاختبار اللي بيحصل للمؤمن في أنه يعاين يد الله وهي تعمل في حياته بشكل شخصي

شاهد أيضاً

إصابة الشيخ أبو إسحق الحويني بجلطة في المخ و أبناؤه يناشدون محبيه بالدعاء

يناشد أولاد الشيخ الحويني متابعيه ومحبيه بالدعاء له بالشفاء العاجل، حيث كتب هيثم الحويني، عبر …

تعليق واحد

  1. The best is to ignore him

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.