جريدة الأهرام الجديد الكندية 
مقالات مشابهة
إن انضمام مصر إلى مجموعة البريكس الاقتصادية هو انجاز عظيم يذكرني بانضمامنا الى مؤتمر عدم الانحياز في باندونج عام 1955 ويزيد الفرحة انضمام السعودية والامارات وإيران ولتسقط هيمنة الدولار وجميع مؤسسات ما بعد الحرب العالمية الثانية ولتتحقق العدالة للاقتصاديات الناشئة لا سيما في وطننا العربي الحبيب
ولعل هذا يكون دافعا لاستنفار امكانيات مصر المتنوعة خاصة في مجال الصناعة والسياحة والتجارة .
أمريكا لما فتحت اسواقها لتركيا واعطتها مميزات تنافسية مثل تخفيض الجمارك اقتصاد تركيا حدث له طفرة فى النمو دول البريكس اذا فتحت اسواقها للمنتجات المصرية بمميزات تنافسية سوف يفرق كتير مع مصر .
مجموعة البريكس قوة إقتصادية عالمية جديدة ..!
أولاً 30% من حجم اقتصاد العالم في البريكس فانت هنا بتتكلم عن اكبر قوة اقتصادية في العالم .
ثانياً 40 % من سكان العالم في البريكس يعني أكبر أسواق في العالم بلا منازع .
ثالثاً هيخفف العبئ الدولاري من على مصر لأن البريكس هتتعامل بعملات غير الدولار ، سواء العملات المحلية لدول البريكس أو عملة موحدة للمنظمة .
رابعاً ثقل سياسي ودعم دولي من المنظمة اللي فيها دولتين زي روسيا والصين أعضاء دائمين في مجلس الأمن ومعاهم حق الفيتو .
خامساً حجم تبادل تجاري رهيب مع دول بتسيطر على اكتر من تلت انتاج الغذاء في العالم + دول بتهتم جدا بمجال البنية التحتية والتقنية ودي اكتر حاجة مصر مركزة فيها .
سادساً بنبعد تماماً عن شبح العقوبات الاقتصادية والهيمنة الأمريكية اللي بتحاول تسيطر بيها على الدول النامية . كيف تستفيد مصر من الإنضمام لمجموعة البريكس ..؟
سوف يكون هناك تسهيلات بالتجارة والدفع بمعنى أن مصر عايزة تشترى قمح بدل ما تشترى من أوكرانيا كاش تقوم مستوردة من روسيا وتدفع بتسهيلات على سنة مصر عايزة تشترى لحمه وفراخ بدل ماتروح فرنسا وتقولك هات يورو مقدم لا تروح للبرازيل تستورد لحمة وفراخ على الحساب عن طريق بنك البريكس عايزين نشترى رز بدل ما نجيب من امريكا نروح جايبين من الهند على الحساب وهكذا محتاجين اى حاجة من الصين ناخدها على
الحساب وبنك البريكس هايروح فاتح لك خط تسهيلات ائتمانية بدل ماكنت بتشترى السلع دى كاش فورا سوف تستوردها بتسهيلات وتلك هى الاستفادة من إنضمام مصر لمجموعة البريكس .
مبروك لمصر لإنضمامها لأكبر قوة إقتصادية عالمية مجموعة البريكس ..
