جريدة الأهرام الجديد الكندية 
مقالات مشابهة
سرد سعيد فايز المحامي حر والمهتم بحقوق الأقليات الدينية عن واقعة الفتاة المسيحية التى حملت من رجل مسلم وقام بضربها حتىسقطت جنينها من واقع دفتر الخدمة الذى بدأ فى سرده الناشط القبطي المعروف رامي كامل
قائلا
على طرف كرسي في مكتبي كانت تجلس قلقه عينها تمتلىء بالرعب والجالس أمامي والدها وشقيقتها الكبري .
كل محاولتي أجعلها تتحدث فشلت صوتي بقى عالي وأنا بأخبر أسرتها أخرجوا بره محتاج أجلس معها بمفردي .
وحيما خرجوا تعالي يا بابا أجلسى أمامي
جلست ووجهها في الأرض سكت شوية وسبت أفكارها تجري في رأسها وبتخرج من عينها ومرة واحدة
سألت أنتي بتحبيه قوي كده ؟ لمعت عينها وقالتلي اه وهو كمان بيحبني قوي قوي ومفيش حاجة
ممكن تخلينا نسيب بعض علشان تريح نفسك .
ابتسمت وقولتلها أنا عارف يعني أيه حب فقادر أفهمك بس ينفع أفكر معاكي بصوت واضح ونتكلم بصراحة ؟
قالتلي ماشي قولتلها سيبك من اختلاف الدين خالص هو مسلم وأنتي مسيحية ده مش هيشغلني
حبيبي أنتي لسه في إعدادي بتدرسي وهو مش متعلم خالص أنتي ١٤ سنه وهو ٣٧ هو متجوز مرتين
ومطلق وعنده عيال أكبر واحد فيهم ١٣ سنة مش جائز يكون اختيارك متسرع ؟
مش احتمال يكون عندك فرص أحسن ؟
وفضلت اقول سؤال وراء سؤال وكل إجاباتها عاطفية تناسب سنها حتى قالت في وسط الكلام جملة
( بص بقى أما هو أو بلاش خالص ) – وقتها مفهمتش الجملة أساسا – وكملنا كلام طيب ممكن تخرجي وترسلى لى والدك ؟
دخل والدها أخبرتها أنها حتمشي مرة أخري قالي مستحيل بنتي عرفت غلطتها ومستحيل تغلط تاني
أيام وهربت وكام أسبوع واستطاع الأب يوصل لمكان الشاب في ( مطروح )
وهناك تم القبض عليه بتهمة التغرير بقاصر واتحكم عليه بتلات سنين عقد الجواز العرفي
خفف العقوبة عنه طيب البنت وافقت ترجع ؟
الحقيقة اي كلام مكنش ممكن يكون له صدى عندها لأنها كانت “” حامل “” ولما قالت هو أو بلاش
كانت عرفه أنها حامل بعض ما فض غشاء بكارتها واستخدمها استخدام الأزواج لكن قبل ما أبوها يوصلها بأربعة أيام
حصلت خناقة بينه وبين البنت فلوسه خلصت وعايز السلسلة الدهب بتعتها ولما رفضت لأنها بتاعت جدتها المتنقلة
ضربها ضرب شديد سقطت وحسب كلام البنت معى كان وهمني بالحب و في اليوم اللي سقط فيه
وهو بيضرب فيه بكل وحشية وأنا غرقانه في دمي وهو شايف أني على الأرض ساعتين متحركش منه شعره وبيعملني بكل غل
وغرور ولما خاف أني أموت أخدنى للدكتور بعد ما هددني أنه هيدبحني لو قولت أنه سقطني
وأني لازم أقول أني وقعت لوحدي وقتها قالي جملة وحشه قوي ( انتي ملكيش تمن ولا قيمة ولو دبحتك بسكينه تلمه أهلك هيبعتولي جواب شكر لاني خلصتهم من عارك )
وقتها شفت كل كلامك معي وقد أيه أنا عبيطة وصدقت وحش مستخبي في قناع الحبيب
بس الغريب أني طوال أربع أيام حتى جاء والدي لم أفك فى الهرب أو ارجع ارجع لناس أنا كسرتهم
وخليتهم مذلويين ولا أهرب للشارع وسط ناس ممكن جدا يكونوا شوية صور متكرره منه ..
