الأحد , مارس 3 2024
رامي كامل

تفاصيل السيدة المسيحية التى أشهرت إسلامها كذبا لجمع المال من المسلمين

كشف الناشط القبطي المعروف رامي كامل عن واقعة جديدة من وقائع دفتر الخدمة التى كان يمارسها مع أى رجل أو سيدة تقوم بتغيير دينها ، فكشف عن السيدة المسيحية التى أشهرت إسلامها وقامت بجمع المال ..

وإليكم تفاصيل ما كتبه

من دفتر الخدمة …. حالة طلاق وفقط بعد رحلة ٦ ساعات من مدينة فى قلب الصعيد الى القاهرة الساهرة استقبلت هذه الاربعينية فى مكتبى المطل على احد الميادين نظرت لها وللطفلة النائمة فوق كتفها فوضعت الطفلة بهدوء على الكرسى الجلد .

فكت طرحتها لتسدل شعرها و تنظر لى – بعد اربع شهور أخيرا قابلتك ، تاسونى “م” حكيتلى عنك – نورتى مكتبى

طلبت لها شاى ولنفسى مشروبى المعتاد “اسبريسو” -“م” كلمتنى أنك عملتى فيديو اشهار اسلام ولما هى كلمتك فهمت منك أن القصة انك عاوزة تطلقى.

حقيقة- انا شوفت الفيديو و اتنشر كتير بس استغربت ، انتى قريتى كويس فى الاسلام و خرجتى تناظرى وتسألى.

لا قريت ولا حاجة ، بص يا مستر هما عشرة اتناشر سؤال لو انت مسيحى بتبقى عارف ردهم و فاهم ان اللى قدامك مش فاهم و نفس الاسئلة لو اسلمت هتسألهم و هتبقى بطل الاسلام.

يعنى انتى عارفة ان لهم ردود ؟

عارفة وفاهمة ومقتنعة ، بس أنا وسطهم ولازم أقول كلامهم عشان من غير الكلام ده مش هلاقى جنيه اصرف منه.

جالك تبرعات ؟

التبرعات كتير فى الأول مع الوقت بتقل وفى الأخر ممكن تشحت عادى وتشتغل اى حاجة وهنا اقصد باى حاجة انى اشتغل اى حاجة فعلا بس بورقة جواز .

بس انتى كنتى بطلة و بقالك سنتين أهوه وحالك تمام ، عاوزة ترجعى ليه ؟

تحب ارجعلهم ؟

لا بس احب افهم .

انا بعرف ابيعلهم اللى هما عاوزين يسمعوه بس فى الاخر انا مسيحية و بنتى دى مسيحية.

طب نتكلم فى اللى حصل .

اللى حصل انى ام لولدين و بنت و مكنتش ولازلت مش طايقة جوزى لانه لا يصلح اب فقررت اتطلق

وبعد سنتين بجرى ورا الموضوع ملقتش حل و اثناء ما بدور على النت لقيت حد دخلى و كلمنى انى ممكن اسلم

واتطلق .

انتى فعلا عملتى كده

أنا روحت أسلمت والمحامى عرض على جوزى الاسلام أو التفريق قام جوزى أسلم و لقيت نفسى فى نفس الورطة ورفعت قضية خلع و لسه منظورة وكل جلسة يدخل بالجلابية البيضاء على القاضى

يقوله أنا ربنا هدانى للاسلام عشانها وعاوزها معايا فى الجنة و مش عارفة اخلص منه ، وهو حاليا بيلم تبرعات على حس انه اسلم بجد.

وطلع زيك فى فيديو يقول أنه كان بيبكى لما يسمع القرأن بصوت شيخ سعودي معين.

“ضحكت” على فكرة بعتلى الشيخ ده مبلغ حلو اوى

أنا مش عارف اضحك ولا احزن.

أنا عاوزة ارجع ، أنا تعبت ، أنا مسيحية يا مستر.

اتصلت بالزملاء المحامين و بدأت اجراءات العودة لحالة من اغرب الحالات .

شاهد أيضاً

نيرة صلاح محمود الزغبي

تشريح جثمان طالبة العريش و مفاجآت في اعترافات صديقتها في المسكن

أمل فرج أصدرت النيابة العامة قرارا بتشريح جثمان نيّرة صلاح الزغبي، طالبة الفرقة الأولى بكلية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.