الأحد , فبراير 25 2024
أخبار عاجلة
انتخابات الرئاسة
ماهر حنا

خروج مبكر للاعب أحمد الطنطاوي

قبل بداية المباراة نحن لدينا مباراة مصيرية واستفتاءات جماهيرية على أفضل لاعب يمثل مصر

فلقد ظهر فى الافق لاعب مغمور ليس له تاريخ كروى يعرفه الجمهور بس شهادة حق بيعمل شوية حركات كانت موجودة فى الكورة بتاعة زمان زى يقبل أيادى ورؤوس كبار السن كأنه بيرقص بالكورة ويتصور مع عامة الجمهور بدون تكليف ويشيل الأطفال زى كده نصير المبلولين وكل ما يتكلم مع مراسل من الملعب يقوله

أن الحكام مستقصدانى وبتجامل المنافس علشان اتحاد الكورة بيدعم اللعيب المنافس والفيفا كمان بتدعمه بعد موضوع غزة ويسأله المراسل وايه وجه الظلم اللى تقصده يقوله أنا لي جمهور كبير وبيقطعوا التذاكر ومبيدخلوش منهم غير 14000 والمنافس مفتوحله كل المدرجات وبأى اعداد وبيشغلولوا شاشات فى الميادين والساحات وبيعملولوا دعاية بتغطى الشوارع والميادين والساحات ويقولولك احنا على الحياد

وعلى مسافة واحدة من كل اللاعبين ويسأله المراسل أنت يا كابتن بتقول عندك جمهور واحنا فعلا شايفين شوية منهم ولكن فيه حاجة غريبة ده محدش منهم عاملك صورة أو رافع اسمك أو حتى رقم تي شيرتك

حضرتك اتبهدلوا تفتيش واستعلامات امنية ودورولهم على اى مخالفات علشان يمنعوهم واحتجزوا الالتراس بتاعى اللى هايسخن المدرجات ويهز الأرض تشجيع ويسأله المراسل أنت هتلعب ازاى تحت الضغط ده ونظرية المؤامرة اللى مسيطرة عليك

فيقوله يا كابتن أنا لاعيب مهارى وحريف واقدر ارد فى أرض الملعب تيجى بس الكورة عندى وهتشوفوا عنقود مهارات يقوله المراسل طب اللعيب اللى بينافسك هو كمان حريف وعنده مهارات ده بيرقص ويعمل كبارى ويجرى زى المونوريل ويفتح فى الملعب طرق متتخيلهاش فيقولوا اللاعب ده بيستعرض بس ومهاراته فردية مبيعرفش يباصى ويلعب لعب جماعى علشان كده بيعمل كل اللى قولته بس لا بيعرف يجيب جول ولا بيكسب فرقته

انا لما انزل الملعب هافرجك ويفاجئ وقبل التسخين بمراقب المباراة بينده عليه ويقولوا أنت بتعمل أيه فى ارض الملعب فيقولوا بسخن فيقوله المراقب وبتسخن ليه وتتعب نفسك أنت اساسا برة التشكيل

بسبب لسانك مش قعدت تقول مؤامرة وكبارى وقعدت تسخن الجمهور علينا وأنت بتنطق فى الكورة وتقلهم اهتفوا فيقوله لا يا افندم محصلش ولو مش مصدقنى ارجع للحكم كان بيسخن معايا ولو مقتنعتش ارجع للفار أكيد مصورنا يا حبيبى اللى قدم فيك التقرير الحكم والفار والامن والدنيا كلها

يالا اخرج وبلاش بلبلا ومضيعة للوقت دا انتوا لاعيبة مبتصونش النعمة ولا تحفظ الجميل فيقوله اللاعب ومين اتحط فى القايمة بدالى فيقولوا المراقب لاعيب على أده وعلى أدنا بس ايه حريف حريف حريف فى سماع الكلام والالتزام ونسخن من اول وجديد

كان معكم من ارض الملعب

مراسلكم/ ماهرحنا

شاهد أيضاً

الكنيسة القبطية

كريم كمال يكتب: نيافة الأنبا مرقس يرد علي مقالي ومطالبتى للبابا تواضروس بالاهتمام بالأنبا بيسنتي بعد تدهور حالته الصحية

ارسل نيافة الحبر الجليل نيافة الأنبا مرقس مطران شبرا الخيمة والمشرف بقرار بابوي علي دير …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.