السبت , مارس 2 2024
ماجدة سيدهم

أيوه هو المصري بعينه

أيوه هو المصري بعينه اللي تاريخه العريق بيؤكد أنه معجون بتراب أرضه.. والوحيد اللي تراثه ربط بين الأرض والعرض ..يعني الأرض مرتبطة بمفهوم الشرف والرجولة

ويا عيب الشوم هو فيه مصري برضه يسيب أرضه ولا زرعته ويفوتها كدا ويهج مهما كانت الضيقة كبيرة وجارت عليه الأيام.. دا كل المشاكل بتختفي أمام قيمة الأرض والوطن.. فاكرين الفلكور الشعبي الشهير

” عواد باع أرضه شوفوا طوله وعرضه ..” أيوه المصري طول عمره بسيط وقنوع ويكفيه أوي حته هدمه ولقمة بملح أو بدقة ويديمها نعمة ..بس مستحيل يترك أرض أجداده ولا أهله ولا ناسه أو يتخلى عن أمانه وستره ..

المصري مهما اتغرب ومهما حقق لكن حنينه لأرضه صادق وريحة ذكرياته عفية ووصيته أن ينضم جنب من رحلوا بتكون رغبه حقيقية..لأنه مصري عريق .. عارفين فيلم الأرض ..هو كدا بالظبط

كل الحبايب حوالينا سابوا بلادهم وجم على مصر ..لكن المصري عمره ما ينحني ويموت وهو متبت في ترابها .. وحاجات كتير أوي .. وتعيشي يا مصر بحكمتك وتاريخك وشرفك ورجالتك .

وتعيشي يا مصر بعيشك وملحك وطيبة قلبك وضحكتك.. عرفتوا ليه العين على مصر

ربنا يحفظ بلادنا الغالية أوي ويحمي شعبها الطيب ..

شاهد أيضاً

“رأس الحكمة”.. بداية مسلسل بيع أرض الأمّة!

أحمد السيد النجار يحتدم الجدل حول صفقة رأس الحكمة بين الحكومة المصرية وشركة أبو ظبي …

تعليق واحد

  1. روعه … دايما روعه …. مصريتك ووطنيتك بتغلب أي حاجه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.