جريدة الأهرام الجديد الكندية 
الشاعر / عبد الحميد صبحي
اللي سابك بكره يتعب بعـد منك .. متخـافيش.! كل واحـد سهـل ينـسي وأنتى فتره متتنـسيش.! أوعى تنـسى بأنى ربـك كان طبيعي يحس بيكي! وأنى لما الخـلق سـابت هو فاكرك مش ناسيكى.!؛
هو سابك .. حـب غيرك مفتـكرش فى يوم كلام.! متكـسرش وهـو ماشي عـادي جـداً قـال سـلام.! شـايف أنى البُعـد عادي مش مهـم هيـآذي مـين.! عنـدهُ فقـر من المشاعر مش بيفهـم فى أهتمام.! ؛
يعني ربـك بـرده شـاهد عاللي ظالم فـ الحـكايه.! وأن كـنتي بقلب جـامد واهبه روحك .. للنـهاية.! خبى روحك جوه روحك أوعى روحك يوم تروح.! واللي خايـف من فراقك كان محـبش يـوم يروح.! السكات فالوحده يوجع والدموع فـ البعـد راحه.! مش ضروري بجـد ينفع نحكي أوجاعنا بصراحه.! ؛
لـو هنسـمع بعـض نبقى لـو هنجـرح بعـض نبعد.! لـو مشـينا بحـسن نيـه مش هنخـلف لما نوعـد.! لـو كلامـنا لبعض فـارق مش هنخـبط فـ الفراق.! لـو هيبـقى البـعد واجع فا الـ صعـب الأشـتياق.! ؛
لـو هننـجح فى التفاهم مش هنـلقي الحـب قل.! لـو مجـرب وأنتا فاهـم مش هيبـقي البعـد حل.! لـو رضـينا بكـل حاجـه كنـا عيشـنا .. مغمضين.! لـو نبطـل فى السذاجه كـله يعـرف آخـره فـين.! ؛
لـو هنخلص فى المحبه مـش هنـكره أو نخـون.! لـو نسـامح بعـض حبـه صعـب نبعد .. أو نهون.! لـو نعاتب بعض نصفي لـو نسـامح بـس ننسي لـو نقـابل خلـق حاسـه مش هنوجع بعض يوم.!
اللي سـهل يحب غيرك بكـره يرجـع متخافيش.! كل واحـد سهـل ينـسي وأنتى فتره متتنـسيش.
