جريدة الأهرام الجديد الكندية 
مقالات مشابهة
تقريبا لا يوجد جلسة من جلسات الأستشارات التربوية لا تخلوا من هذة التساؤلات من أمهات وأباء فقدوا السيطرة على أبنائهم ، مش بيسمعوا كلامى ليه ؟
مش عارف أتواصل معهم فى تفكيرهم وطريقة حوارهم
طريقة رده مش عجبانى دا كبير عنده 12 سنة لازم يتكلم أحسن من كدا .
مش راضي يسيب التليفون من ايده … دا أحنا ما كناش عيال !
و الحقيقة قبل الرد على كل هذة التساؤلات كنت لازم أسألهم ..
ازاى عايز أبنك أو بنتك يفهموك ويسمعوا كلامك وأنت مش بتسمعهم ولا بتفهمهم .؟
أزاى عايز يرد عليك بأحترام وأنت بتستخدم بعض الكلمات و الايماءات فى التعبير عن شعورك وغضبك بطرق غير حكيمة وغير تربوية تناسب عٌمر المراهق ؟؟
ازاى عايز يسيب التليفون و الألعاب الالكترونية وأنت مش بتسيب التليفون من أيدك ؟؟؟
الحقيقة نحن مراقبون يا سادة … نعم ..تصرفتنا وطريقة كلامنا مرآيا بيشوفوا نفسهم فيها
اول ما ولادنا يبقوا بيلاحظوا وبيشوفوا تصرفاتنا وافعالنا نبدأ نركز ونأخد بالنا أني عايز ابني يبقي ازاي ؟؟
طريقته ازاي !!
تعبيره عن غضبه ازاي وعن مشاعره !!
طريقه كلامه فيها أسف وشكرا ومن فضلك ولا .. ياه دي التربية دي صعبة
ومين قال أنها سهلة بس تستاهل
وممتعة طول ما أنت بتشوف أبنك / بنتك ده بيكبر قدامك
ولكن تعال يا عزيزى أقولك على أهم ١٠ خطوات للحديث مع أطفالنا علشان نفهمهم ونسمعهم و نتواصل معاهم
و علاقتنا بهم تكون سوية و مريحة.
اختار الوقت اللى طفلك حالته المزاجية رايقة ،أطلب منه يحكيلك عن شئ حدث خلال يومه.
أنظر اليه و كن حريص على التواصل البصرى بينكم والجلوس فى نفس مستوى طفلك مع النظر إليه مباشرة.
Eye Contact)) .
أستمع وأنت متأكد من إظهار إشارات تدل على انك مسمتمع جيد له، زى مثلا انك تظهر الود و الاهتمام بالحديث ، الايماء بالرأس.
تجنب مقاطعته وانتظر حتى ينتهى من حديثة ، سيبه يقول كل اللى جواه حتى لو بيتعثلم فى الكلام أو فى نطق
لمخارج الحروف الخطأ ، اتركة ليكمل حديثة .
أطرح عليه اسئلة لاظهار أنك مهتم بالفعل مثل ثم عملت اية ؟ و اتصرفت ازاى فى الموقف دا ؟ .
اتجنب تظهر أحكامك وأنك تلقى المحاضرة عليه اذا اخطأ فى السلوك أو فى طريقة الكلام، المراهقين مايحبوش الأوامر كفاية أوامر فى المدرسة و التمرين و الباص ، دا هيحسسه بالأمان وأنه يجى يحكيلك تانى من غير تفكير زى اى اتنين اصحاب .
اشتغل على السلوك فقط على أنه امر خطأ وليس على الطفل كأنه شخص خطأ وأن العيب فيه .
أقوله أنا بحبك لكن السلوك ماحبتوش … علشان يسمعوا كلامك جرب الطلب الايجابى بدل من الأمر أو النقد.
استخدم الكلمات الايجابية مثل “عد مبكراً بدلا من لا تتأخر كما تفعل دائما ً ” او ” احب ترتيبك لغرفتك ” بدل من ” نظف غرفتك .
بدل اللوم شجع ايجابيات ابنك المراهق واستخدم التشجيع وفي نفس الوقت علمه السلوك الصحيح المقابل اللي انت عايز ينفذه أو يتبناه وطبعا القدوة لها النصيب الأكبر في التأثير لأن حضرتك مرآه لطف.
أوعى تسنى أستخدم أسلوب لعب الأدوار وجداول تعزيز السلوك هيساعدوك كتير فى توصيل قصدك ..
مريم توفيق
ماجستير فى الصحة النفسية و الأسرية و التربوية
دبلومة العلاج المعرفى السلوكى
مدرب معتمد للأطفال و المراهقين
