جريدة الأهرام الجديد الكندية 
مقالات مشابهة
اللهم لا شماتة
بهدوء ومن غير تعصب أنا مشجع مصرى اعشق الزمالك وتابعت المباراة بشغف وكلى ثقة بفوز الاهلى
المدجج بالنجوم وبكل صدق كنت اتمنى بل وادعو بالفوز للأهلى ممثل الكرة المصرية
ولكى تكون لنا الريادة والسيادة الافريقية ولكن اود أن أقول وتقبلوا كلامى بكل محبة أكبر غلطة
غلطها الأهلى وادارته ( التى عليها أكثر من علامة استفهام ) هى اضعاف منافسه المباشر
والتقليدى الفارس الذى أصبح بلا جواد نادى ( الزمالك) فمنذ وقت ليس بقصير والأهلى كل تركيزه
القضاء على المنافس بكل الطرق الشرعية والغير شرعية من تفريغه للاعبين المميزين و توجيهه
لاتحاد الكرة ولى ذراع رابطة الأندية والضغط والتوجيه للحكام بما لا يرضى الله ٱملا انه بذلك
سينفرد بالبطولات بمفرده ولكنه بذلك اضعف نفسه لأنه أصبح بلا منافس
وبالتالى أصبح فاقد للشغف و لم يجد الحافز وروح البطولة ظنا منه انه سيفوز بكل ما هو قادم حتى أنه فرط
بأهم ما يميزه الا وهو روح الدقيقة 90 وروح الفانلة الحمراء وأصبح فريق متواكل ومتكاسل
حتى خذلنا جميعا كمصريين كنا نتمناه فى النهائى ومتوج بالبطولة ولكن خامة هذه اللاعبين
لا تصلح الا للمكايدة والمنظرة والفشخرة وكل ما دفع فيهم من أموال لا يستحقونه بس هنقول ايه رزق الهبل
على المجانين
يا ريت نبعد عن التعصب الاعمى علشان نشوف الأمور على حقيقتها ونحاول تصحيح الاخطاء
لصالح منتخبنا الوطنى اللى اصبح من غير المحترفين أشبه بمركز شباب وده لعدم جودة اللاعبين المحليين
اللى بملايين لو عايزين الأهلي يرجع ادو الفرصة للزمالك يرجع وكفوا عن تجارتكم التى افاحت
رائحتكم وهارد لك للاهلى وياريت نصحح الأوضاع قبل كأس العالم للاندية مش عايزين محترفيين
واسماء رنانة عايزين رجالة
تدافع عن اسم مصر عايزين رجالة تعرف قيمة الفانلة اللى لبساها عايزين روح الأهلى اللى عهدناها
ولسة امام الأهلى فرصة للتصحيح وكلنا وراه نسانده ونشجعه فى كاس العالم للاندية والله الموفق
ماهر حنا
