جريدة الأهرام الجديد الكندية
مقالات مشابهة
كتب : محمد حسن
هي دي مصر ..
مصر الشقيانة التعبانة عشان لقمة العيش ..
مصر اللي مش في الساحل ولا في الرحاب ولا في مدينتي ..
مصر اللي متعرفش تنطق كلمة كمبوند ..
مصر الغارقانة في الفقر، ورغم كدا بتكافح عشان تتعلم ..
مصر اللي في العشوائيات ..
مصر اللي مش بتظهر في الميديا ..
مصر اللي ماتت وهي بتسعى على لقمة العيش ..
مصر اللي فأولى هندسة بعد ما وصلت لها بطلوع الروح ..
مصر ال17و16و15سنة ..
مصر اللي بتنام وطعم الجوع في فمها ..
مصر اللي الفقير فيها يموت من المرض، واسأل القصر العيني وقوائم الانتظار ..
مصر الوجع والألم اللي بنحاول ننساه، وتيجي كارثة تصحي فينا الوجع ..
مصر اللي الموت فيها ب 130جنيه.. مصر اللي بنحبها ومبنقدرش نبعد عنها
مصر المعادلة الصعبة والرقم الحقيقي فيها الغلبان اللي بيموت عشان لقمة العيش ..
مصر تجسدت فأصبحت تسع عشرة بناتا أشلاء على الأسفلت
آه يا مصر .. ياللي فيك كل شيء والعكس
