جريدة الأهرام الجديد الكندية
مقالات مشابهة
يعني من يوم ماتتولدي وهم يختنوكي ويتحرشوا بيكي ويغتصبوكي من وأنت لسة رضيعة وحتى لما تبقى أم وأدام اولادك كمان ..تتهاني وتنضربي وتتقتلي وطافحة الدم جوه وبرا البيت عادي وكمان عاوز تحطي رجل على رجل
وياويلك لو مسكتي موبايل تاتش تبقى مش محترمة ومتاحة للحثالة وحلال اللي بيحصل فيكي
ياعيني عليكي ياست الستات قدرك الشقي أنك عايشة في حظيرة من الذكور دي ثقافتها ..
والذكر يفعل ماتمليه عليه الغريزة السفيهة وقتما شاء وأينما حل بل ويفرض ثقافته أومال لو ماكنتيش
متكفنة بالسواد كانوا عملوا فيكي إيه أكتر من كدا .. كل دا ولسه مصدقة أنك ناقصة وعورة ..
فوقوا يا ستات احنا خط أحمر ..احنا شايلين بيوت ومسؤوليات تهد جبال ومستقبل أجيال ..
إحنا كرامة وحضارة .. بقينا ملطشة فوقوا ياستات .. ماتسمحوش لجنس ذكر يتطاول عليكوا تاني كفاية
وللعلم كل من عزز قيم السفالة والانحطاط والتعدي على ستات المحروسة بحجة انها مثيرة للفتن
هو في المقام الاول اهان الرجل المصري وجعله في مصاف الحيوانات
فوقوا بقيتوا عبرة وفضيحة ميري كريسماس للستات
