جريدة الأهرام الجديد الكندية
مقالات مشابهة
ويتوالي جهاد حرق شجر الميلاد بداية من أوربا لفلسطين لسوريا والأردن ومكملين .. بحاول أفسر ليه المجاهدين-اللي كلهم بالمناسبة جهلة في كل شيء.. عندهم كل هذا الغل والحقد والتربص لأي مسيحي بالعالم خاصة في احتفالاته ..بمجرد مايهل موسم الاحتفالات بالكريسماس والواحد منهم يلمح شجرة الميلاد عن بعد فجأة تجيله
حالة إيمان لإرادي وجهاد على نفسه وحالته بتبقى لمؤاخذه يعني ..وهات يا صياح وتكبير وهجوم وطوب
وحرق ونط على الشجر .. ـ
* انتو عارفين لما حد يجبر حد على جوزاة غبرة.. أو أنه يدخل كليه مش عاوزها أو اتفرضت عليه
سواء مجموع (قدر) أو أبوه فرضها عليه (عرف مجتمعي) ..بيفضل الشخص دا يعاني طول حياته لا راضي
ولا مقتنع من جواه مهما نجح وحقق مكاسب لأنه مش حر وما اختار
وبدل ما يصلح من حياته أو يقتنع بيها ويعيش في هدوء تلاقي عينه دايما في حياة غيره اللي شايف أنه متميز عنه
ويفضل عايش بس علشان يلاحق غيره ويسخر منه وكمان يتهمه بالفشل (اسقاط) ويفضل يزن
ويستعرض أدامه ثرواته ويقنعه بعصبية أن الفلوس أهم حاجة كمحاولة نفسية يأكد بيها لنفسه أن حياته تمام
وعلى صواب وكأنه بيقول للآخر انت ليه مش حاسس أني احسن منك .
بالتالي بيتأكد من جواه أنه فعلا مهمش فيتحرق دمه أكتر بالتالي بيدخل على ليڤل الأذى بكل وسائل التقوى
والجهاد ويجري في كل حته بالعالم يخرب ويفجر و يذبح و يحرق ..كل دا علشان بس يقول للعالم
شوفوني أنا موجود ..
( والنبي أنا عتريس ..أنا بلوة سودة ) وبعدين ماتروح أحرق الشجر كله في اللي في اسرئيل
مش دي قضيتك برضه ولا الشال الكاروهات اللي متلتم بيه دا يادوب يستر عجزك بس
ولا ماقدرش على الحمار فتروح تستقوى على المحترمين اللي شايلين الليلة السوداء كلها وحدهم
وإحنا في موسم مفترج طيب تفتكروا معايا ممكن يعملوا لنا مفاجأة مدوية في المحروسة (لب الموضوع ) ولا …!
ماتنشاس وحياة أبوك (ي) وأنت طالع (ة) كيوت تحرق أو تدمر شجرة الميلاد بأي مكان..كنيسة.. مول ..ميدان .
إفتكر بس ترنيمات ميري كريسماس بالترجمة كمان للأسف تراث وفكر المجاهد
لا يصنع جمالا على الإطلاق ولا يضفي بهجة وسلام واحتواء للآخرين
* ميري كريسماس للأوغاد
