جريدة الأهرام الجديد الكندية 
مقالات مشابهة
الأهرام الجديد الكندى
فتحت الصفحة الرسمية لأبناء مركز ومدينة نقادة أحد مراكز محافظة قنا ، الصفحة على مصراعيها لنشر كلمات التعازى فى الشهيد خالد محمد عبد العاطى أبن مركز نقادة والذى أستشهد فى سيناء ، أبكت كلمات التعازى جميع من قرائها ، ونحن هنا فى الاهرام ننشر لكم عدد من المرثيات ، حيث كتب أحد أبناء نقادة رثاء قال فيه.
سلم ع الشهدا اللي معاك …. سلم علي كل اللي هناك
عمرك كان تمن الحرية………لكن بلدك مش نسياك
وشك متزوق بالضي ……… وامك صبرها انك حي
وحياتك فيه وراك اخواتك ….. ارتاح انت وحقك جي
اللي حصل ده ثوابه عظيم….. والليلة شهادة وتكريم
بص علي السما بتزغرطلك …..وملايكة في فرحك معازيم
ومرثية أخرى تقوله
مات البطل وعلي جبينه ملامح النصر
مات واخر كلامه
ابدا لن تركع مصر
وقف الاسد في وش الموت ولا همه
لما مصر طلبته متأخرش
ورواها بدمه
يا شهيد الامس و العهد الجديد
يا صرخه الفداء من نقاده في قلب الصعيد
اديتنا درس في الوطنيه والفداء يا ابو قلب اقوي من الحديد
سبت لينا الفخر والعزه
مبروك عليكي يا جنه جالك عريس جديد
وثالث قال
إحنا كده عندنا اتنين ابطال محمود سلامة وخالد عبد العاطي.. كل واحد فينا لازم يفتخر إنه من المركز اللى أنجب رجاله فدت الوطن وأهله بأرواحهم.. مش هنزعل بالعكس هنرفع راسنا فوق لأننا من بلد الأبطال وأبسط رد على الشرف اللى منحه البطلين لينا كلنا إننا نخلد أسماؤهم على أكبر شوارع المركز وأكبر مدارس المركز بدون انتظار للروتين الحكومى.. بالمجهود الذاتي وبمساعدة جمعيات خدمة المجتمع لازم الأجيال اللى طالعة تعرف لما تكبر إنها من بلد الرجال
