جريدة الأهرام الجديد الكندية 
مقالات مشابهة
الاهرام الجديد الكندى
قامت صفحة الجالية المصرية بالسعودية تلك الصفحة المسئولة عن الجالية المصرية هناك ومعها عدد من الصفحات على شبكة الأنترنت بالحديث حول ما قام به الطيار المصرى محمد أباظة والذى ينم عن شهامة وشجاعة هذا الطيار واليكم ما قام به الطيار كما نشرته الصفحات بعالية
محمد أباظة كابتن طيار فى الشركة المصرية العالمية للطيران .. شركة طيران مصرية كان طاير فى رحلته من الطائف فى السعودية للقاهرة وبالتحديد فوق مطار شرم الشيخ يعنى كان دخل مصر خلاص المضيفه بلغته ان فيه راكب مصرى جاتله أزمة قلبية وسنه 60 سنه
فأمر محمد اباظة بان الدكتور اللى موجود على الطيارة يكشف على الراجل المريض فكشف عليه الدكتور وقال انه محتاج يتنقل لمستشفى فى أقرب وقت والمضيفه طبعا بلغت كابتن محمد أباظة بتشخيص الدكتور ومن غير كلام كابتن محمد اباظة قرر تغيير مسار رحلته وانه هينزل فى أقرب مطار ليه علشان يلحق الراجل فتحدث مع برج المراقبة التابع لمطار شرم الشيخ ووصل ليهم المعلومة وطلب منهم توفير عربية اسعاف بجوار الطائرة اول ما ينزل وسمحوله بالهبوط وقاموا بتوفير كل شىء طلبه وبالفعل نزل مطار شرم وتم بعون الله إسعاف الراجل والطيار منزلش الراكب وطلع على القاهرة زى ما بيحصل فى المعتاد لا ده استناه فى مطار شرم أكتر من ساعه لحد ما تم اسعاف الراجل طبيا وانقاذه لانه كان ميت وسبحان من احياه من تانى ، والراكب المريض طلع نفس الطيارة تانى بعد ما حالته اتحسنت تمام التحسن والطيارة طلعت من شرم للقاهرة
الطيار ده كان ممكن يقولك ده راجل كبير وميت ميت انا اغير مسارى ليه واكلف شركتى وقود ورسوم أقلاع وهبوط وغيرة وطبعا الساده الطيارين والعاملين بمجال الطيران عارفين يعنى ايه تغيير مسار
وكان ممكن بردو يريح ضميرة بأنه يقول للمضيفه اديله مسكنات احنا فوق شرم الشيخ وقدامنا نص ساعه وندخل القاهرة
لا ده إحترم البدله اللى لابسها وعارف ان مش لابسها بس علشان يطير لا ده علشان مهتمه الاولى والاخيرة حقن الدماء وان أرواح كل اللى طايرين معاه أمانه فى رقبته وهيتحاسب عليهم
الأهم من كل ده الراجل ده مقدر اوى وعارف يعنى ايه دم مصرى .. ومعملش زى ما قال فيلم عسل اسود اللى تقريبآ سوء سمعة الطيارين المصريين
دى رساله من موظف بدرجة طيار فى مؤسسة من مؤسسات الدوله لكل مصر من غير قصد
دم المصريين غالى مش رخيص
المصرى قيمته كبيرة اوى لسه عند ناس كتير
