الأربعاء , مايو 29 2024

بالصوره : الشهيد “بولا منصور” مات وأندفن ولا حد حس بيه .

الشهيد بولا

الأهرام الجديد الكندى
عارفين دا مين … طبعا محدش يعرف … طيب لو قلت اسمه هتعرفوه ….اعتقد برضه لا دا شاب صغير اسمه بولا منصور
بتاع 18 سنة كدة …شاب بسيط مكافح …بيشتغل او كان بيشتغل في كنتاكي قويسنا المنوفية وهو اساسا من بركة السبع ..
يوم 5 فبراير مع زميل له كانوا بيقفلوا كنتاكي بالليل قبل ما يروحوا …دخل عليهم خمسة ملثمين …اعلامنا المصري بيقول مجهولين وهم بيعلنوا عن أنفسهم في كل مكان انهم الاخوان
ضربوا نار والقوا مواد سريعة الاشتعال في المحل وقفلوا الباب .في لحظات المحل اتحرق …واحد اتصاب والتاني اتفحم …
اللي اتفحم دا …دي صورته …بس قبل ما الحرق اسمه بولا منصور … بولا استشهد لانه مصري يا ريت تنشروا صورته وحكايته …لانه مات من سكات …ولا ليه صحاب علي النت ولا حساب علي الفيس بوك ولا ضهر في الاعلام …بولا اتحرق واتصلي عليه واندفن …ومحدش جاب سيرته …
نقلا عن الحق والضلال

 

شاهد أيضاً

الكنيسة القبطية

بالفيديو والصور : هجوم علي أسرة مسيحية بقرية البيهو بمركز سمالوط .

واقعة فتنة طائفية حدثت تفاصيلها بالكامل داخل قرية البيهو وهى احد القري التابعة لمركز سمالوط …