الخميس , مارس 28 2024
أعمال البناء فى نادى ضباط الشرطة

إزالة تعديات نهر النيل بأسوان فيما عدا نادى ضباط الشرطة وهو الأكثر تجاوزا

أعمال البناء فى  نادى ضباط الشرطة
أعمال البناء فى نادى ضباط الشرطة

الأهرام الكندى
نشر النشطاء بمحافظة أسوان على صفحاتهم على الفيس بوك فيما يشبه الأستغاثة مطالبين فيها بهدم نادى ضباط الشرطة أسوة بما تم هدمه من مبانى حول النيل حيث قال الناشط أحمد نادى بأنه وبغض النظر عن ازالات الكورنيش اللي تمت من حوالي شهر وبغض النظر عن ازالة كل ما يحجب نهر النيل بما فيها نادي المحامين اللي نقيبنا وافق كتابة وتوقيعا على عملية الازالة
نشوف بقا نادي ضباط الشرطة الموجود على الكورنيش
النادي مش حاجب نهر النيل بس دى حاجب رؤية الضفة التانيه بسبب المباني اللي تم انشائها بدون اي ترخيص واصلا النادي دا مالوش تراخيص مباني في الاساس
وكان المفروض ان الوحدة المحلية مع المحافظ اللي كان واقف بنفسه يوم الازالات واجهزة المحافظة وادارة حماية نهر النيل والشرطة!!! ينفذوا قرارات الازالة لنادي الشرطة زيه زي غيره
انما ولاننا من شعب وضباط الشرطة شعب تاني خالص وناديهم اكيد لا ينفذ عليه احكام القانون
ولان المفروض اللي بينفذ القانون هما رجال وضباط الشرطة اللي هما اصلا مرتكبين لمخالفات مش مخالفة واحدة بس
اللي حصل فعليا محدش قرب من نادي ضباط الشرطة
بالعكس
نادي ضباط الشرطة والمديرية والقائمين عليها قاموا باعمال بصب وخرسانه وانشاءات جديدة خلال فترة الانذار بالازالة والازالة نفسها ومابعد فترة الازالة
المحضر دا بيقول ان يوم ٢٦يناير السنادي قام ضباط الشرطة بعمل اعمدة وسقف خرسانة مسلحة بمسطح ١٠٠ متر مربع
دا كلام المحضر
الادهى بقا ان ضباط الشرطة في خلال شهر مارس قام بعمل اعمدة واسقف خرسانة جديدة امتدادا للمبنى الحالي اتجاه النيل
وحاليا بيظبطو الدور التاني اللي كان فيه قاعه افراح
يعني احنا في دوله البلطجة لا دولة القانون
والبلطجة دي من رجال المفروض انهم رجال تنفيذ القانون

واليكم صورة المحضر كما  تم نشره

20 21 22 23 24

شاهد أيضاً

الكنيسة القبطية

قداسة البابا تواضروس الثاني : وطرق تقديم المحبة!

ألقى صاحب القداسة البابا تواضروس الثاني عظته الأسبوعية في اجتماع الأربعاء يوم الموافق الأربعاء ٢٧ …