جريدة الأهرام الجديد الكندية مقالات مشابهة
بقلم .. حمدي الجزار المحامي
احبابي الحشريين ،، الظاهر اننا ماطلعناش احنا بس اللي حشريين ،،ده طلع ناس كتير حشرية والأدهى من كده كمان إن فيه دول كبيرة طلعت حشرية وبتتدخل في اللي ملهاش فيه ،، طيب احنا حشريين في احوالنا حشريين مع بعض ،،الابن مع أبوه والبنت مع امها مع العم والخال والجار ،حاجة كده زيتنا في دقيقنا يعني ،،
أما اخوانا التانيين دول ليه بقى حشريين بصفتهم إيه ولاد الايه دول ،، مش عجباهم بلدنا ولاقضائنا ،، ولا شرطتنا ،، ولا حكومتنا ،،ولا حتى احنا الحشريين
طيب نعمل ايه ياولاد هنقعد نلف وراهم كده علشان نعرفهم إحنا مين ،،طيب وماله نلف وناخد معانا شوية حشريين يدعمونا ويقفوا هناك يستنونا
بس وبعدين عرفناهم وفهمناهم مع إنهم بيستعبطوا وفاهمين ،،
يارب بس نخلص منهم على خير ويبصموا بقى بالعشرة إن احنا مش انقلابيين ولا ارهابيين ولا ولاد ستين في سبعين ،،احنا ناس مسالمين وطيبين بس عايزين نعيش كويسين ،،روحنا شايلين الموكوسين اللي كانوا هيبعونا لشوية مجرمين ،،وبنحاكمهم زينا زي الناس المتحضريين ،، ومع ذلك مش عارفين ليه انتم مش مبسوطين وليه حشريين ،،مع اننا حايشين عنكم خراب ودمار كنتم ليه رايحين إلا اذا بقى كنتم معاهم متورطين !!!!
وعامة احنا رايحيبن عندهم في دارهم نقولهم خلوا بالكم إحنا كمان صاحيين ومفتحين واحيانا نعمل فيها مش فاهميبن بس احنا فاهمين انكم ناس حشريين .
خلاصة القول ياسادة
لو سمحتم كفاية عليكوا كده ،، عايزين تقفوا معانا ولا مش عايزين ،،
ولا نفسكم تشوفونا في الخيام قاعدين ،،
عامة لو كده تبقوا بتحلموا لاننا شعب فراعنة وجبارين ،،
مؤدبين اااااه ،،مسالمين ااااه ،، بس وقت الشدة احنا كمان صايعيين ،،
وكلامنا ده احنا الحشريين للناس اللي بره ،،والناس كمان اللي جوه ومستخبيين ومسهوكين ،، ودوركم جاي ياشوية خوافين ،،ومتفكروش ان احنا عنكم تايهين ولا مغفلين ،،
بس بالدور ياسادة لاننا حشريين منظمين
