الثلاثاء , ديسمبر 6 2022
صوره أرشيفيه

الناس الغلابة (بتوع السياحة)

صوره أرشيفيه
صوره أرشيفيه

هى خواطر (مافيناش من زعل )

بقلم : أحمد بدوى

عملنا ثورة وفرخنا بيها وقلنا حنقضى على الفساد ولكن الثورة أحبطت لأسباب كثيرة أنتو عارفينها .
ولكن الثورة نجحت فى تغيير أشياء كثيرة زى زيادة مرتبات الموظفين تثبيت الموظفين زيادة مرتبات افراد الشرطة تعيين البعض فى الحكومة وأضرابات هنا وهناك وأغنياء (حرب)وسياسة إستفادوا من هنا وهناك !
قلنا نصبر يمكن ينولنا من الحب جانب ولكن لاحياة لمن تنادى!
وعملنا تفويض وأنتخبنا رئيس الشعب (أحبه) لأنه فهمه أنه (نورعينية ) وهو الصدر الحنون فلنا خير نصبر ويمكن ينولنا من الحب جانب ولكن لاحياة لمن تنادى !
ولمينا المليارات لعمل قناة السويس الجديدة وفرحنا وقلنا هو المشروع الذى سينقذ مصر ولكن يبقى الحال على ماهو عليه !
تقدروا تقولولى إحنا أخدنا إيه من ثورة فشلت لأنها لم تحكم ؟
تقدروا تقولولى إحنا أخدنا إيه من الصراعات السياسية التى حدثت فى الفترة اللى فاتت وكانت ملطخة بدماء الأبرياء ؟
تقدروا تقولولى أحنا أخدنا ايه من ساسه ساروا بنا إلى اليمين مرة وإلى اليسار مرة وبلا أتجاه فى الغالب ؟
تقدروا تقولولى أنا ذنبى إيه أن أعيش وفجأة ألاقى واحدبيفجر نفسه ومصدر رزقى ييضيع أمام عينى والسياسين مافيش فى دماغهم إلا مصلحتهم والبقاء على كراسيهم ؟
مش مهم أموت من الجوع أو أعيش منكسر !
ومش مهم السياحة تمرض ولا تموت ولا تدفن !
كله ده مش مهم !
المهم سعادتك تقعد متربع على كرسيك اللى حايجيله يوم وينكسر!

شاهد أيضاً

من واقع تجربتى محدش بيدفع ضرائب المهن الحرة

إسحاق إبراهيم من واقع شغلي في ضرائب المهن الحرة خلال الفترة من 2002-2005 أصحاب المهن …