جريدة الأهرام الجديد الكندية 
مقالات مشابهة
سيسي يا سيسي
والله وبقيت رئيسى
والنور آهو لاح
والقلب إرتاح
بقدومك يا عبد الفتاح
الشعب بترحاب إختارك
والرب إستجاب و جابك
تكون لمصر حارس
جندى كبير…
برتبة مشير…
ولقب أشجع فارس
من أجل مصر…
واجهت بجسارة الخطر
بكل وطنية ولا همك قدر
أنقذت الوطن من مرسى
و كشفت ألاعيب الإخوان
دى السنة اللى قعدوها
واستولوا على الكرسى
ما كانش فيها خطوة لقدام
يا محلّك سِر…
يا محلّك سِر…
يا للتخلُّف دُر…
لو كانوا قعدوا شوية كمان
كنا رحنا فى خبر كان
لولاك أيها القائد الهمام
بشجاعة مسكت الزمام
لا مقايضة ولا استسلام
وبكل حكمة و إلتزام
لبيت نداء الشعب
و فى ٣٠ يونيو كان البرهان
الملايين خرجت فى كل مكان
تركب وياك الصعب
ما هى دى مصر
وقت الشدة تبان
هى دى المحروسة
وإحنا بروحنا فداها
وبكل تسليم وإيمان
أبداً ما نخافش عليها
علشان اللى معاها
أقوى من اللى عليها
يا سيسي يا رئيسى
يا رئيس لكل المصريين
وإحنا كلنا كدة متفائلين
وبمشيئة الرب…
كل شيء حيبقى كويس
وإحنا الشعب…
وقلوبنا مليانة بالحب…
بنغنى و نهنى يا ريس
وبكل التقدير و الإحترام
بنعمل لك تعظيم سلام
وتحيا مصر… تحيا مصر
