الجمعة , مارس 29 2024
مدحت عويضة

فاكسات مهاجر يرسلها: مدحت عويضة

السيسي
أنا شايف يا ريس أنك لازم تزور دكتور “أذن” شاطر جدا يمكن بعدها تسمع لمشاكل الأقباط.

البابا تاوضروس
أرفض رفضا باتا مظاهرات 9 سبتمبر، ولكن أطالبك بفتح باب الحوار مع الجميع وبدون استثناء.

محلب
بعد ما وزير التعليم طلع إخواني المفروض تشيل مصحف وتلف بيه علي باقي الوزراء وكل وزير تقوله أحلف أنك مش إخواني.

هاني كمال
العيال طلعولك فيديو بتمدح طائر النهضة، طيب خد طيرك وفطيرك وأرحل عننا أنت ووزيرك.
الطب الشرعي
بعد تقريركم ثبوت صفر مريم، أحب أقول طب شرعي أيه إللي أنت جاي تقول عليه هما ضحايا ماسبيرو وبورسعيد كانوا عملوا إيه.

مريم ومارينا
مشكلتكم مش أنكم مسيحيين مشكلتكم أنكم ولاد ناس بسطاء زي ملايين المصريين ليكم ربنا ومش هيسيبكم ولا إحنا هنسيبكم.

محمد حسان
سمعتك تقول لو تعارض القرأن مع السنة نتبع السنة قولت والنعمة الشيخ حسان إتجوز جوازة جديدة بنت صغيرة لحست دماغه خالص.

كنترول الثانوية العامة
أنا كنت مقضيها قهاوي ولعب كرة بس صدقوني بدأت أشك في الستين في المية مش لأنها قليله ضميري بيوجعني وحاسس إنها بتاعت حد غلبان ما هي طلعت سلطة.

مرتضي منصور
يا راجل شتمت البلد كلها وكنا بنزعل لما بنسمعك وحياتك إديها واحدة لوزير التعليم ومش هنزعل.
بوتين
سامع أخبار عن تدخل عسكري روسي مباشر في سوريا وبقول يارب الاخبار تطلع صح وبوتين يخلصنا من الإرهاب إللي زرعه أوباما وأسامة.

حزب النور
لا فعلا أنتم مش حزب ديني والدليل أنكم غيرتم الجلابية والسبحة لبدلة إيطالي وسبحة صيني… علماني ده ولا مش علماني يا متعلمين يا بتوع المدارس.

عزت أبو عوف
حمد لله علي بالسلامة يا راجل جدد شبابك زي سعيد طرابيك مش كل شوية تجدد الباروكة ما أحنا عارفين أنها باروكة.

المجلس العسكري
في زمانكم كل ما كنتوا تتنزنقوا تطلعوا إشاعة مبارك مات… بعد منكم خايف لا تكون الحكومة إتزنقت فطلعت “إكتشفنا حقل بترول”.

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …