الجمعة , مارس 29 2024
Amal farag
أمل فرج

منك لله يا دنيا…

مالك يا دنيا جرى لك إيه ؟!..
جيه عليه كده ليه ؟!..
لو ليه ذنب قولي عليه..
حيرتيني يا دنيا..
ارحمي فيه دمعة عنيه..
وكسرة قلبي دي مش شوية ..
وصعب أقولك حسي بيه ..
لإنك يا دنيا ..دنيا ..
الدمع غرقت فيه ..
والحزن إيدي في إيديه ..
والفرح بعدت أراضيه ..
عذبتيني يا دنيا ..
ليه تكبّريني وأنا لسه صبية ؟!..
ليه تحرميني من الضحكة الشقية ؟! ..
ليه تعانديني ، وليه العنادية ؟! ..
وجعتي قلبي يا دنيا ..
مافيش في الدنيا لا فقير ولا بيه ..
إلا والدنيا همها حواليه ..
أصل الدنيا مش بإ يديه ..
يا عيني علينا في الدنيا ..
بسأل و أجاوب ، مش حيرة هية ..
بس بهوّن على النفسية ..
يمكن أموت وأنا لسه عفيّة ..
آه يا خوفي من الدنيا ..
كنت بفرح والضحك ألاقيه ..
وفي قلبي الهنا ماليه ..
عملت إيه عشان تاخديه ..
منك لله يا دنيا ..

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …